كەرىسىنشە، قۇرىلىس كومپانياسى اۋقىمدى جوسپارلارى تۋرالى مالىمدەدى، دەپ حابارلايدى aqshamnews.kz
الەۋمەتتىك جەلىلەردە تارالعان «كومپانيا بانكروتتىقتىڭ الدىندا تۇر، ال ونىڭ باسشىلارى مەن يەلەرى تۇركياعا قاشىپ كەتتى» دەگەن اقپاراتقا جاۋاپ رەتىندە RAMS QAZAQSTAN وكىلدەرى كەزدەسۋ وتكىزىپ، بۇل قاۋەسەتتەردى جوققا شىعاردى.
كومپانيانىڭ كوممەرسيالىق ديرەكتوردىڭ ورىنباسارى دجەم ءدجيريتدجيدىڭ ايتۋىنشا، بۇل شىندىققا سايكەس كەلمەيدى.
ءبىز قالىپتى رەجيمدە جۇمىس ىستەپ جاتىرمىز. بىزگە قولداۋ كورسەتىپ وتىر دەگەن بەلگىلى تۇلعالاردىڭ بىزگە ەش قاتىسى جوق، - دەدى ول.
RAMS QAZAQSTAN-نىڭ زاڭ دەپارتامەنتىنىڭ باسشىسى قۋانىش چينتيميروۆ بۇل جالعان اقپارات تاراتۋ جانە كومپانيانىڭ 27 جىلدىق بەدەلىنە نۇقسان كەلتىرۋ دەپ مالىمدەدى.
جالعان اقپارات تاراتۋشىلارمەن ءبىز زاڭ شەڭبەرىندە سويلەسەتىن بولامىز، - دەپ اتاپ ءوتتى قۋانىش چينتيميروۆ.
كەزدەسۋدە RAMS QAZAQSTAN ءوزىن ءاردايىم قازاقستاندىق كومپانيا رەتىندە تانىتىپ كەلگەنى اتاپ ءوتىلدى. شەتەلدىك جوبالارى بار بولعانىمەن، ونىڭ باس كەڭسەسى الماتىدا ورنالاسقان، ال باسشىلىق پەن قىزمەتكەرلەردىڭ كوپشىلىگى قازاقستان ازاماتتارى بولىپ تابىلادى.
شەتەلدىك ساپارلار اعىمداعى جۇمىس جوبالارىنا بايلانىستى، ويتكەنى ولار وزدەرىنىڭ جاۋاپكەرشىلىك سالاسىنداعى بيزنەس-پروسەستەردى باسقارۋعا جانە باقىلاۋعا ۇلكەن كوڭىل بولەدى، - دەپ ءتۇسىندىردى دجەم دجيريتدجي.
ونىڭ ايتۋىنشا، RAMS QAZAQSTAN-نىڭ جۇمىس ىستەگەن جىلدارى شامامەن 15 مىڭ جۇمىس ورنى قۇرىلعان، ال 1997 جىلدان بەرى قازاقستان نارىعىندا 4 ميلليون شارشى مەتردەن استام تۇرعىن جانە كوممەرسيالىق جىلجىمايتىن مۇلىك پايدالانۋعا بەرىلگەن. الماتىدا 60 جوبا جۇزەگە اسىرىلىپ، 20 000-نان استام پاتەر پايدالانۋعا بەرىلدى.
ءبىزدىڭ كومپانيانىڭ نەگىزگى ميسسيالارىنىڭ ءبىرى – تۇرعىندارعا ىڭعايلى جاعداي جاساۋ، وسىعان بايلانىستى ءبىز قازىرگى بيزنەس-پروسەستەردىڭ تيىمدىلىگىن ارتتىرۋ ءۇشىن قايتا قۇرىلىمداۋ جۇمىستارىن ۇنەمى جۇرگىزىپ وتىرامىز. ءبىز قازاقستان اۋماعىندا شەتەلدىك ينۆەستيسيالار مەن سەرىكتەستەردى تارتا وتىرىپ، اۋقىمدى جوبالاردى جۇزەگە اسىرۋدى جوسپارلاپ وتىرمىز، - دەپ اتاپ ءوتتى دجەم دجيريتدجي.
سونداي-اق، ول RAMS QAZAQSTAN مەملەكەتتىك تۇرعىن ءۇي باعدارلامالارىنا جانە تەندەرلەرىنە قاتىسپايتىنىن، ەكىنشى دەڭگەيلى بانكتەردىڭ نەسيەلىك جەلىلەرىن پايدالانبايتىنىن، تەك ءوز قاراجاتى ەسەبىنەن قۇرىلىس جۇرگىزەتىنىن جانە جەر تەلىمدەرىن جەكە تۇلعالاردان ساتىپ الاتىنىن ايتتى.
RAMS CITY تۇرعىن ءۇي كەشەنىنىڭ ەكىنشى كەزەڭىنىڭ اياقتالۋ مەرزىمى قوعامنىڭ نەگىزگى سۇراۋلارىنىڭ ءبىرى بولىپ تابىلادى. RAMS CITY ساتۋ ءبولىمىنىڭ باستىعى الەكساندر فەدوروۆ جاعدايدى ءتۇسىندىردى.
كەلىسىمشارتتار بويىنشا نىسان 2024 جىلدىڭ 1 شىلدەسىنە دەيىن اياقتالۋى كەرەك ەدى. الايدا، كارانتين رەجيمى، 2022 جىلدىڭ قاڭتار وقيعالارى جانە كورشىلەس ەلدەردەگى كۇردەلى گەوساياسي جاعداي سياقتى بىزگە بايلانىستى ەمەس سەبەپتەرگە بايلانىستى مەرزىمدەر وزگەردى. بۇل قازاقستانعا جابدىقتار مەن قۇرىلىس ماتەريالدارىن جەتكىزۋگە اسەر ەتتى.
ءبىز تۇرعىندارىمىزبەن جانە كليەنتتەرىمىزبەن تۇراقتى بايلانىستامىز جانە نىساندى تەزىرەك پايدالانۋعا بەرۋ ءۇشىن بار كۇشىمىزدى سالىپ جاتىرمىز. RAMS CITY تۇرعىن ءۇي كەشەنىنىڭ ەكىنشى كەزەڭىنىڭ ءبىرىنشى بولىگى بويىنشا كىلتتەردى تاپسىرۋ 2024 جىلدىڭ ءتورتىنشى توقسانىنا جوسپارلانعان، - دەدى الەكساندر فەدوروۆ.
NEF UPTOWN جوباسىنا قاتىستى دجەم دجيريتدجي بىلاي دەدى:
2020 جىلى NEF Uptown تۇرعىن ءۇي كەشەنىن جۇزەگە اسىرۋ باستالدى، وندا RAMS QAZAQSTAN باس مەردىگەر بولدى. 2021 جىلدىڭ سوڭىندا NEF كومپانياسىنىڭ نەگىزىن قالاۋشىلار RAMS QAZAQSTAN-نىڭ قاتىسۋىنسىز جوبانى جالعاستىرۋعا شەشىم قابىلدادى، سوندىقتان كەلىسىمشارتتى بۇزۋ پروسەسى باستالدى.
2022 جىلدىڭ سوڭىنان باستاپ RAMS QAZAQSTAN بۇل جوبادا باس مەردىگەر رەتىندە قاتىسقان جوق. دەگەنمەن، بيىلعى جىلدىڭ باسىندا NEF كومپانياسىنىڭ كرەديتورلار الدىنداعى مىندەتتەمەلەرىن ورىنداي المايتىنى جانە پاتەرلەردى تاپسىرۋعا مۇمكىندىگى جوق ەكەنى انىقتالدى. ناتيجەسىندە RAMS QAZAQSTAN-نىڭ قاتىسى بولماسا دا، تۇرعىندار بىزگە كومەك سۇراپ جۇگىندى.
قيىن جاعدايدى ەسكەرە وتىرىپ، RAMS QAZAQSTAN باسشىلىعى باسقارۋشى كومپانيانى تارتىپ، قارىزداردى وتەۋ جانە ينفراقۇرىلىمدى جاقسارتۋ بويىنشا جۇمىس جۇرگىزدى.