كوشەلەر كوركەم ءفيلمنىڭ تۇسىرىلۋىنە بايلانىستى ۋاقىتشا جابىلادى.
الماتىدا كوركەم ءفيلمنىڭ تۇسىرىلۋىنە بايلانىستى قالا كوشەلەرىنىڭ بەلگىلى ءبىر ۋچاسكەسى ۋاقىتشا جابىلادى، دەپ حابارلايدى اlmaty-akshamy.kz الماتى اكىمدىگىنە سىلتەمە جاساپ.
15 قاڭتار ساعات 10-نان 14.00-گە دەيىن - جىبەك جولى كوشەسى، بۇزىربايەۆ كوشەسىنەن گوركيي اتىنداعى ساياباققا دەيىن؛
16 قاڭتار ساعات 19.00-دەن 02.00-گە دەيىن - تيميريازيەۆ كوشەسى جاندوسوۆ كوشەسىنەن روزىباكييەۆ كوشەسىنە دەيىن؛
18 قاڭتار ساعات 01.00-دەن 06.00-گە دەيىن - بوگەنباي باتىر كوشەسى دوستىق كوشەسىنەن ءۋاليحانوۆ كوشەسىنە دەيىن؛
18 قاڭتار جانە 19 قاڭتار ساعات 03.00-دەن 07.00-گە دەيىن - قۇرمانعازى كوشەسى نازاربايەۆ داڭعىلىنان تولەبايەۆ كوشەسىنە دەيىن.
ءتۇسىرىلىم بارىسىندا ءتۇتىن، پيروتەحنيكا قۇرالدارى قولدانىلادى، سونداي-اق، قاتتى ءارى شۇعىل دىبىستى كورىنىستەر بولادى. كەيدە ادام كوپ جينالاتىن تۇسىرىلىمدەر بولادى.
«كينو توبى ءتۇسىرىلىم باستالاردان بىرنەشە كۇن بۇرىن جاقىن ماڭداعى ۇيلەردىڭ تۇرعىندارىن حاباردار ەتۋگە، سونداي-اق، اقپاراتتىق بەلگىلەردى تىكەلەي ورىنداردا پايدالانۋعا مىندەتتەندى. وسىعان بايلانىستى قالا تۇرعىندارى مەن قوناقتارىنان ءتۇسىرىلىم پروسەسىنە تۇسىنىستىكپەن قاراۋدى سۇرايمىز»، - دەلىنگەن حابارلامادا.