شەرۋشىلەر سوت جۇيەسىن قايتا قاراۋدى تالاپ ەتتى

سەنبى كۇنى كەشكە تەل-اۆيۆتەگى حابيما الاڭىنا ون مىڭداعان شەرۋشىلەر شىقتى. ولار پرەمەر-مينيستر بينيامين نەتانياحۋدىڭ جاڭا ۇكىمەتىنە جانە ونىڭ ءيزرايلدىڭ ادىلەت جۇيەسىن وزگەرتۋ جوسپارىنا نارازىلىق ءبىلدىردى، دەپ حابارلايدى اlmaty-akshamy.kz hromadske.ua پورتالىنا سىلتەمە جاساپ.

الاڭ مەن كوشەلەرگە 80 مىڭعا جۋىق ادام شىقتى. شەرۋلەر يەرۋساليم مەن حايفا قالالارىندا دا ءوتتى.

پوليسيانىڭ ەسكەرتۋىنە جانە ۇلتتىق قاۋىپسىزدىك ءمينيسترى يتامار بەن-گۆيردىڭ تارتىپسىزدىك جاساماۋعا شاقىرعانىنا قاراماستان، دەمونسترانتتار مەن ساقشىلار اراسىنداعى بىرنەشە قاقتىعىس بولدى. دەگەنمەن، نارازىلىق سوڭى بەيبىت اياقتالدى. شەرۋشىلەر «قىلمىستىق ۇكىمەت»، «دەموكراتيانىڭ اياقتالۋى» جانە باسقا دا ۇراندار جازىلعان پلاكاتتاردى، يزرايل تۋىن ۇستاپ شىقتى.

بەنيامين نەتانياحۋ باستاعان ءيزرايلدىڭ جاڭا ۇكىمەتى ەكى اپتادان استام ۋاقىت بويى بيلىكتە. ساياساتكەر ەلدىڭ زاڭ جۇيەسىن قايتا قاراۋدى كۇن تارتىبىندەگى باستى ماسەلە ەتىپ قويدى. بۇل قادام، بەلسەندىلەردىڭ پىكىرىنشە، ەل دامۋىن تەجەپ، دەموكراتياعا كەرى اسەر ەتەدى.