راۆيل يۋنۋسوۆ: پاندەميا باستالعالى ۆيرۋسپەن دامىلسىز كۇرەسكەن دارىگەرلەرگە مىڭ العىس!
«اسسامبلەيا جاستارى» بىرلەستىگى شىعىس قازاقستان وبلىستىق فيليالىنىڭ جەتەكشىسى راۆيل يۋنۋسوۆ العىس ايتۋ كۇنىندە مەديسينا قىزمەتكەرلەرىنە ريزاشىلىعىن جەتكىزدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«مەديسينا قىزمەتكەرلەرى كوروناۆيرۋسپەن كۇرەستە الدىڭعى شەپتە ءجۇر. ولار پاندەميا باستالعالى بەرى حالىقتىڭ دەنساۋلىعى ءۇشىن ايانباي ەڭبەك ەتۋدە. تالاي ادامنىڭ جانىن اجالدان اراشالاپ قالدى. دارىگەرلەردىڭ وسىنداي ەرلىكتەرىن ەلەۋسىز قالدىرۋعا بولمايدى. اق حالاتتى ابزال جاندار قانداي قۇرمەتكە دە لايىق! سىزدەرگە العىس ايتۋ كۇنىندە شىنايى ريزاشىلىعىمدى جەتكىزەمىن»، - دەدى راۆيل يۋنۋسوۆ.
ءوز سوزىندە ول «اسسامبلەيا جاستارى» بىرلەستىگى مۇشەلەرىنىڭ وسكەمەن قالاسىنداعى 1ء-شى قالالىق اۋرۋحانانىڭ جانساقتاۋ بولىمشەسىنىڭ دارىگەرلەرىنە توسىنسىي جاساعانىن جەتكىزدى.
«بۇگىنگى مەرەكەگە وراي مەديسينا قىزمەتكەرلەرىنە ءتاتتى-دامدى سالىنعان سىيلىقتار بەردىك. دەنساۋلىق كۇزەتىندە كۇنى-تۇنى تەر توگىپ، اۋىر جۇمىستان شارشايتىن دارىگەرلەرگە قۋانىش سىيلاعىمىز كەلدى»، - دەدى بىرلەستىكتىڭ شىعىس قازاقستان وبلىستىق فيليالىنىڭ جەتەكشىسى.