قازاقستان پرەزيدەنتى ۋكرايناداعى جاعدايعا بايلانىستى پىكىر ءبىلدىردى

ءبىز ەكى ەلدى ىنتىماقتاستىق ورناتۋعا شاقىرامىز.

مەملەكەت باسشىسى قاسىم-جومارت توقايەۆ Nur Otan پارتياسىنىڭ كەزەكتەن تىس سەزىندە ۋكرايناداعى جاعدايعا بايلانىستى پىكىر ءبىلدىردى، دەپ حابارلادى Almaty-akshamy.kz Turkystan.kz سىلتەمە جاساپ. 

«ءبىزدىڭ ۇستانىم قازاقستاننىڭ قاۋىپسىزدىگىن قامتاماسىز ەتۋ تۇرعىسىنان قابىلدانۋى كەرەك. ءبىز 2010 جىلى ەىقۇ ءسامميتىن وتكىزگەن ەل رەتىندە ءبىرتۇتاستىقتى ۇستانامىز. ءبىرتۇتاستىق ءوزارا تۇسىنۋشىلىك پەن كەلىسىمدى قاراستىرادى. وكىنىشكە قاراي، مينسك كەلىسىمى ورىندالماي، ۋكراينا مەن رەسەي اراسىندا قاقتىعىس تۋىندادى. ءبىز ەكى ەلدى ىنتىماقتاستىق ورناتۋعا شاقىرامىز»، – دەدى پرەزيدەنت. 

پرەزيدەنتتىڭ ايتۋىنشا، كەلىسسوزدەر اياسىندا ونى شەشۋ كەرەك. بەيبىتشىلىكسىز ەشتەڭەنى جۇزەگە اسىرۋ مۇمكىن ەمەس. قازاقستان بۇل ورايدا بارلىق قولداۋدى جۇزەگە اسىرۋعا دايىن.

«قازاقستان ەكونوميكاسى سانكسيالارعا توتەپ بەرۋگە دايىن بولۋى كەرەك. ءبىز بارلىعىمىز بۇل قيىندىقتاردى ارتتا قالدىرا الامىز. وسى ورايدا پارتيا دا بەسەندىلىك تانىتۋى كەرەك. كوپ جىل بويى ءۇنسىز جاتقان ادامدار ءقازىر جىلىمىقتى پايدالانىپ، الەۋمەتتىك جەلىلەردە نەشە ءتۇرلى اقپارات تاراتا باستادى. پارتيا جۇرتشىلىققا ساياساتىمىزدى دۇرىس تاراتا الۋى كەرەك. مەن ءۇشىن ەڭ باستى قۇندىلىق – قازاقستان تاۋەلسىزدىگى»، – دەدى پرەزيدەنت.