مەن ءۇشىن ەڭ باستى قۇندىلىق - قازاقستاننىڭ تاۋەلسىزدىگى
ق ر پرەزيدەنتى قاسىم-جومارت توقايەۆ "امانات" پارتياسىنىڭ سەزىندە سويلەگەن سوزىندە وسىلاي دەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«مەن ءۇشىن ەڭ باستى قۇندىلىق - قازاقستاننىڭ تاۋەلسىزدىگى. مەملەكەت باسشىسى رەتىندە ەلىمىزدىڭ قاۋىپسىزدىگى مەن حالقىمىزدىڭ اماندىعىن قامتاماسىز ەتۋ ءۇشىن قولدان كەلگەننىڭ ءبارىن جاسايمىن. جاۋاپكەرشىلىك جۇگى قانشاما اۋىر بولسا دا، ودان ەش قايمىقپايمىن»، - دەدى مەملەكەت باسشىسى «امانات» پارتياسىنىڭ كەزەكتەن تىس سەزىندە.
ق ر پرەزيدەنتى بۇگىن پارتيانىڭ باعىت-باعدارى ايقىندالعانىن اتاپ ءوتتى.
«ەندى بىلەك سىبانا جۇمىس جاساۋىمىز كەرەك. حالىق ناقتى وزگەرىستەردى كۇتىپ وتىر. پارتيا اتىنا زاتى ساي بولۋى ءتيىس. ەل بىرلىگىن نىعايتىپ، جاڭا قازاقستاندى قۇرۋ - بارىمىزگە ورتاق مىندەت»، - دەدى قاسىم-جومارت توقايەۆ.