بۇدان بىلاي «قازاقستاننىڭ ەڭبەك سىڭىرگەن دارىگەرى» قۇرمەتتى اتاعى بەلگىلەنبەك

«قازاقستاننىڭ ەڭبەك سىڭىرگەن دارىگەرى» قۇرمەتتى اتاعى بەلگىلەنبەك.

بۇل تۋرالى ق ر دەنساۋلىق ساقتاۋ ءمينيسترى اجار عينيات ايتتى، دەپ حابارلايدى Almaty-akshamy.kz 

«مەديسينا قىزمەتكەرلەرىنىڭ كاسىبي جاۋاپكەرشىلىگىن ساقتاندىرۋ جۇيەسىن ەنگىزۋدى قامتاماسىز ەتۋ ماقساتىندا «كەيبىر زاڭنامالىق اكتىلەرگە دەنساۋلىق ساقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ازىرلەندى. وسى ايدا ول ق ر پارلامەنتىنىڭ ماجىلىسىنە ەنگىزىلەتىن بولادى»، - دەدى مينيستر ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا.

ونىڭ ايتۋىنشا، زاڭ جوباسىندا قىلمىستىق كودەكستىڭ 317-بابىنىڭ قىلمىستىق نورمالارىن ىزگىلەندىرۋ كوزدەلگەن. ياعني، ايىپپۇل سانكسيالارى جەڭىلدەتىلەدى. سوتتىڭ قاراۋىنا باس بوستاندىعىن شەكتەۋ بويىنشا بالاما ەنگىزىلەدى. باس بوستاندىعىنان ايىرۋ مەرزىمدەرى قىسقارتىلادى.

«جانە دە وسى زاڭ جوباسى بويىنشا مەديسينالىق كومەكتىڭ ساپاسىن ارتتىرۋ ماقساتىندا پاسيەنتتىڭ ءومىرى مەن دەنساۋلىعىنا زيان كەلتىرگەنى ءۇشىن كاسىپتىك جاۋاپكەرشىلىكتى ارتتىرۋ، ولاردى ساقتاندىرۋ كوزدەلەدى. سونىمەن قاتار ءبىلىمدى، ەڭبەك سىڭىرگەن دارىگەرلەرگە «قازاقستاننىڭ ەڭبەك سىڭىرگەن دارىگەرى» قۇرمەتتى اتاعىن بەلگىلەۋ قاراستىرىلعان»، - دەدى اجار عينيات.