Kaspi.kz ق ر قارجى مينيسترلىگىنىڭ مەملەكەتتىك كىرىستەر كوميتەتىمەن، سيفرلاندىرۋ مينيسترلىگىمەن جانە «ۇات» اق-پەن بىرلەسىپ، قازاقستان حالقى ءۇشىن تاعى ءبىر ونلاين-سەرۆيستى ىسكە قوستى.
ەندى 250-نىسان بويىنشا اكتيۆتەر مەن مىندەتتەمەلەر تۋرالى دەكلاراسيانى تۋرا Kaspi.kz ءموبيلدى سۋپەرقوسىمشاسىنىڭ وزىندە تاپسىرۋعا بولادى، دەپ حابارلايدى Almaty-akshamy.kz.
Kaspi.kz باسشىسى ءارى نەگىزىن قالاۋشىلاردىڭ ءبىرى ميحايل لومتادزە:
«مەملەكەتتىك ورگاندارمەن بىرلەسىپ، ءبىز دەكلاراسيانى تاپسىرۋ بارىسىنىڭ ءوزى تۇسىنىكتى، ىڭعايلى ءارى كوپ ۋاقىت المايتىنداي ەتۋگە تىرىستىق. ءقازىردىڭ وزىندە جەكە تۇلعالار، زاڭدى تۇلعالار مەن جەكە كاسىپكەرلەر Kaspi.kz جانە Kaspi Pay ءموبيلدى قوسىمشالارىنىڭ كومەگىمەن كولىك سالىعىن، مۇلىك سالىعىن، تابىس سالىعىن، جەر سالىعىن، كەدەندىك باجدى، ققس مەن باسقا دا كوپتەگەن سالىقتى تولەپ وتىر. 2023 جىلى Kaspi.kzء-تىڭ ونلاين-سەرۆيستەرىنىڭ كومەگىمەن 1،2 تريلليون تەڭگە، ال 2024 جىلدىڭ ءبىرىنشى توقسانىندا 400 ميلليارد تەڭگەدەن استام سالىق تولەندى. بۇل 2023 جىلدىڭ ءبىرىنشى توقسانىمەن سالىستىرعاندا سالىق تۇسىمدەرى 60%-عا ارتىق».
ق ر قم مەملەكەتتىك كىرىستەر كوميتەتىنىڭ ءتوراعاسى جاندوس دۇيسەمبييەۆ مكك جۇمىسىنىڭ سەرۆيستىك مودەلى مەملەكەت باسشىسىنىڭ تاپسىرمالارىنىڭ ءبىرىن ىسكە اسىرۋ ەكەنىن اتاپ ءوتتى:
«قازاقستان حالقىنا قولايلى بولۋ ءۇشىن سالىق تولەۋشىنىڭ كابينەتى (cabinet.salyk.kz)، «ەلەكتروندىق ۇكىمەت» ۆەب-پورتالى (egov.kz)، «ە-Salyq Azamat»، eGov mobile ءموبيلدى قوسىمشالارى، سونداي-اق جەتەكشى بانكتەردىڭ ءموبيلدى قوسىمشالارى، ونىڭ ىشىندە Kaspi.kz ارقىلى دەكلاراسيا ۇسىنۋ بويىنشا ەلەكتروندىق سەرۆيستەر ىسكە قوسىلدى. اكتيۆتەر مەن مىندەتتەمەلەر تۋرالى دەكلاراسيانى (250-نىسان) تولتىرۋ وڭاي، ىڭعايلى ءارى قولجەتىمدى بولدى. دەكلارانتتاردىڭ 99،9%-ى ەلەكتروندىق نىساندى تاڭدادى. ەستەرىڭىزگە سالا كەتەيىن، 2024 جىلعى 1 قاڭتاردان باستاپ جالپىعا بىردەي دەكلاراسيالاۋ جۇيەسىنە جەكە كاسىپكەرلەر، زاڭدى تۇلعالاردىڭ قۇرىلتايشىلارى (قاتىسۋشىلارى)، باسشىلارى مەن ولاردىڭ جۇبايى (زايىبى) كىردى، ولار 250-نىساندى تولتىرادى. 2025 جىلعى 1 قاڭتاردان باستاپ اكتيۆتەر مەن مىندەتتەمەلەر تۋرالى دەكلاراسيانى ازاماتتاردىڭ قالعان ساناتتارى ۇسىنادى. جالپى العاندا، جالپىعا بىردەي دەكلاراسيالاۋ جۇيەسىنە 13 ميلليون وتانداسىمىز كىرەدى. مەملەكەتتىك كىرىستەر كوميتەتى جەڭىلدەتۋ جانە اۆتوماتتاندىرۋ ساياساتىن جالعاستىراتىنىن اتاپ وتەمىن».
ق ر ءسدياوم مەملەكەتتىك قىزمەتتەر كوميتەتى ءتوراعاسىنىڭ ورىنباسارى اينۇر يۋسۋپوۆا:
«وتكەن جىلدىڭ قاراشا ايىندا سيفرلىق دامۋ ءمينيسترى باعدات مۋسين ۇكىمەتتە مەملەكەتتىك قىزمەتتەردىڭ قولجەتىمدىلىگىن ارتتىرۋ بويىنشا جۇرگىزىلىپ جاتقان جۇمىستار مەن ازاماتتارعا قولايلى بولۋ ءۇشىن ەنگىزىلەتىن سيفرلىق سەرۆيستەر تۋرالى ەسەپ بەردى. مينيستر اعىمداعى جىلعا ارنالعان جوسپارلاردى بەلگىلەي وتىرىپ، قم مكك مينيسترلىكپەن بىرلەسىپ سالىق ەسەپتىلىگىن تاپسىرۋ بارىسى قايتا قارالىپ، دەكلاراسيانى جەڭىلىرەك تاپسىرۋ سەرۆيسى ەنگىزىلەتىنىن اتاپ ءوتتى. بۇگىن Kaspi پلاتفورماسىندا اتالعان سەرۆيس ىسكە اسىرىلدى. سيفرلىق دامۋ مينيسترلىگى مەملەكەتتىك قىزمەتتەردىڭ بيزنەس-پروسەستەرىن رەينجينيرينگىلەۋ بويىنشا جۇمىستى جالعاستىرۋدا جانە وسى باعىتتاعى جۇمىستار جالعاسىن تابادى».
250-نىسان بويىنشا دەكلاراسيا – بۇل ازاماتتىڭ جيناقتالعان اكتيۆتەرى مەن مىندەتتەمەلەرى تۋرالى ەسەپتىلىك. ونى جالپىعا بىردەي دەكلاراسيالاۋ جۇيەسىنە كىرگەن كەزدە ءبىر رەت قانا ۇسىنۋ قاجەت. بارلىق كەيىنگى جىل سايىنعى دەكلاراسيادا 250-نىساندا باستاپقى مالىمدەلگەن مۇلىككە قاتىستى وزگەرىستەردى كورسەتىلەدى. سوندىقتان بۇل نىساندى دۇرىس تولتىرۋ وتە ماڭىزدى.
2024 جىلعى 1 قاڭتاردان باستاپ 250-نىسان بويىنشا دەكلاراسيانى زاڭدى تۇلعالاردىڭ باسشىلارى مەن قۇرىلتايشىلارى جانە ولاردىڭ جۇبايى (زايىبى)، سونداي-اق جەكە كاسىپكەرلەر مەن ولاردىڭ جۇبايى (زايىبى)، 2025 جىلعى 1 قاڭتاردان باستاپ قازاقستان رەسپۋبليكاسىنىڭ بارلىق ازاماتى تاپسىرۋعا مىندەتتى.
250-نىسان بويىنشا دەكلاراسيانى جىبەرۋ تۋرالى تولىعىراق Kaspi.kz ءموبيلدى قوسىمشاسىنداعى «گيد» بولىمىنەن وقىڭىز.