124 دوللاردان استى.
مۇنايدىڭ الەمدىك باعاسى ءوسىپ كەلەدى. بۇعان ساۋدا-ساتتىق دەرەكتەرى دالەل، دەپ حابارلادى Almaty-akshamy.kz قازاقپاراتقا سىلتەمە جاساپ.
Brent ماركالى مۇنايدىڭ تامىز فيۋچەرستەرىنىڭ باعاسى 0،39%-عا دەيىن، ياعني باررەلىنە 124،07 دوللارعا دەيىن ءوستى. شىلدەدەگى WTI فيۋچەرستەرى 0،29%-عا، ياعني 122،47 دوللارعا دەيىن قىمباتتادى.
ينۆەستورلار اقش-تاعى مۇناي قورىنىڭ اپتا سايىنعى ستاتيستيكاسىن باعالايدى.
ەلدىڭ ەنەرگەتيكا مينيسترلىگىنىڭ دەرەكتەرى بويىنشا مۇنايدىڭ ستراتەگيالىق رەزەرۆى وتكەن اپتادا 7،3 ميلليون باررەلگە نەمەسە 1،4 پايىزعا ازايىپ، 519،3 ميلليون باررەلدى قۇرادى. وسىلايشا، كورسەتكىش 1987 جىلدىڭ ناۋرىزداعى اپتاسىنان بەرى ەڭ تومەنگى دەڭگەيگە جەتتى. ول كەزدە ەلدىڭ ستراتەگيالىق مۇناي قورى 518،9 ميلليون باررەلدى قۇراعان بولاتىن.
سونىمەن قاتار، اقش-تاعى كوممەرسيالىق مۇناي قورى (ستراتەگيالىق رەزەرۆتى قوسپاعاندا) ءبىر اپتا ىشىندە بولجانعان تومەندەۋدىڭ ورنىنا 2 ملن باررەلگە نەمەسە 0،5%-عا ءوسىپ، 416،8 ملن باررەلگە جەتتى.
ەلدەگى ەڭ ءىرى كۋشينگ (Cushing) تەرمينالىنداعى مۇناي قورى ءبىر اپتا ىشىندە 25 ميلليون باررەلدەن 23،4 ميلليونعا دەيىن ازايدى.
اقش-تاعى بەنزين قورى 0،8 ملن باررەلگە (0،4% -عا)، ياعني 218،2 ملن باررەلگە دەيىن تومەندەدى. ساراپشىلار 1،1 ميلليون باررەلگە وسەدى دەپ كۇتكەن ەدى.