ساتىپ الۋ بەلسەندىلىگى الماتى قالاسى مەن قاراعاندى وبلىسىندا جوعارى.
2022 جىلعى مامىردا تۇرعىن ءۇيدى ساتىپ الۋ-ساتۋ بويىنشا 30 500 مامىلە تىركەلدى، ءساۋىر ايىمەن (52 520) سالىستىرعاندا كورسەتكىش 41،9%-عا كەمىدى، دەپ حابارلايدى Almaty-akshamy.kz
ساتىپ الۋ بەلسەندىلىگى الماتى قالاسى مەن قاراعاندى وبلىسىندا جوعارى، سايكەسىنشە 4 395 پەن 4 055 شارت. مامىلە سانى ەڭ از بولعان ءوڭىر – سولتۇستىك قازاقستان وبلىسىنىڭ ۇلەسىندە 630 شارت. قازاقستاندىقتار كوپ پاتەرلى ۇيلەردەگى تۇرعىن ۇيلەردى كوبىرەك الادى، مامىردا بارلىعى 21 078 مامىلە بولدى. كوپ پاتەرلى ۇيلەردەگى بولمەلەر سانى تۇرعىسىنان 2 بولمەلى پاتەرلەر ءالى دە سۇرانىسقا يە. مامىردا 8 مىڭ 2 بولمەلى پاتەر راسىمدەلسە، 1 بولمەلى ودان ءبىر مىڭعا از. جەكە ۇيلەر بويىنشا 9 422 مامىلە راسىمدەلدى.
جەكە ۇيلەردى الماتى جانە تۇركىستان وبلىستارىنىڭ تۇرعىندارى كوبىرەك العان. 2022 جىلعى مامىردا تۇرعىن ءۇيدى ساتىپ الۋ-ساتۋ مامىلەلەرىنىڭ سانى وتكەن جىلدىڭ ءتيىستى ايىمەن سالىستىرعاندا 36،9% كەمىدى. تۇرعىن ءۇي نارىعىنداعى مامىلەلەردىڭ وتكەن جىلعى مامىرمەن سالىستىرعانداعى ەڭ كوپ تومەندەۋى ماڭعىستاۋ وبلىسىندا تىركەلدى – 64،6%.