قۇجاتقا وزگەرىستەر ەنگىزۋدى وسى جىلدىڭ سوڭىنا دەيىن اياقتاۋ جوسپارلانىپ وتىر.
قازاقستان ۇكىمەتى مەملەكەتتەگى اسكەري دوكتريناعا وزگەرىستەر ەنگىزۋدى كوزدەپ وتىر، دەپ حابارلايدى Almaty-akshamy.kz.
«قورعانىس مينيسترلىگى «قازاقستان رەسپۋبليكاسىنىڭ اسكەري دوكتريناسىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2017 جىلعى 29 قىركۇيەكتەگى № 554 جارلىعىنا وزگەرىس ەنگىزۋ تۋرالى» پرەزيدەنت جارلىعىنىڭ جوباسىن ازىرلەدى»، - دەلىنگەن قورعانىس مينيسترلىگىنىڭ باسپا ءسوز قىزمەتىنىڭ حابارلاماسىندا.
مەملەكەت باسشىسىنىڭ تاپسىرماسى بويىنشا قورعانىس ۆەدومستۆوسى مۇددەلى مەملەكەتتىك ورگاندارمەن بىرلەسىپ، نەگىزگى قۇجاتتى جاڭا بولمىسقا بەيىمدەۋگە باعىتتالعان قولدانىستاعى اسكەري دوكترينانى قايتا قاراۋدى جۇزەگە اسىرۋدا.
جارلىق جوباسىنىڭ تولىق ماتىنىمەن 2022 جىلعى 24 ماۋسىمعا دەيىنگى اشىق نورماتيۆتىك قۇقىقتىق اكتىلەردىڭ ينتەرنەت-پورتالىنداعى سىلتەمە ارقىلى تانىسۋعا بولادى: https://legalacts.egov.kz/list؟governmentId=2704.