سۋ تاسقىنى ءقاۋپى ءالى دە جوعارى.
برازيليانىڭ سولتۇستىك-شىعىسىنداعى پەرنامبۋكو شتاتىنىڭ بيلىگى دەمالىس كۇندەرى سۋ تاسقىنىنان 91 ادام قازا تاۋىپ، جيىرمادان استام ادام ءىز-تۇزسىز جوعالعانىن راستادى، دەپ حابارلايدى Almaty-akshamy.kz Egemen.kz cىلتەمە جاساپ.
رەسمي مالىمدەمەدە ءىز-تۇزسىز جوعالعاندار تىزىمىندە جۇزدەگەن شتات پەن فەدەرالدى قۇتقارۋشىلار 26 ادامدى ىزدەستىرۋدە.
برازيليا پرەزيدەنتى دجەير بولسونارو دۇيسەنبىدە پەرنامبۋكو شتاتىنىڭ استاناسى رەسيفي مەن كورشىلەس جابواتاو-دۋس-گاراپەستىڭ زارداپ شەككەن اۋداندارىنىڭ ۇستىنەن ۇشىپ ءوتتى. وسىدان كەيىن تىلشىلەرگە بەرگەن سۇحباتىندا ول تىكۇشاقتىڭ قونۋى توپىراقتىڭ ىلعالدىلىعىنان مۇمكىن بولماعانىن ايتتى.
«ارينە، ءبارىمىز دە قىنجىلدىق. وتباسى مۇشەلەرىنە كوڭىل ايتامىز. ءبىزدىڭ باستى ماقساتىمىز - وتباسىلاردى جۇباتۋ، سونىمەن قاتار ماتەريالدىق قۇرالداردى پايدالانا وتىرىپ، حالىققا كومەك كورسەتۋ»، - دەدى مەملەكەت باسشىسى.
ساراپشىلار كليماتتىڭ وزگەرۋى جاۋىن-شاشىننىڭ كۇشەيۋىنە ىقپال ەتىپ جاتقانىن ايتادى.
شتاتتىڭ ازاماتتىق قورعانىس باسقارماسى سۋ تاسقىنى ءقاۋپىنىڭ ءالى دە جوعارى ەكەندىگى تۋرالى ەسكەرتۋ جاسادى.