برازيليالىقتار ىندەتتىڭ الدىن الۋعا كىرىستى
برازيليا الەمدە "وميكرون" شتامىنىڭ تارالۋىنا بايلانىستى شەتەلدىك تۋريستەردى باقىلاۋدى قاتاڭداتتى، دەپ حابارلايدى Almaty-akshamy.kz 24.kz-كە سىلتەمە جاساپ
ەرتەڭنەن باستاپ وسى ەلگە كەلگەن ۆاكسينا سالدىرماعان تۋريستەر 5 كۇن كارانتينگە جابىلادى. سودان كەيىن پتر-تەست تاپسىرادى.
بۇعان دەيىن تۋريستەر تەك برازيلياعا ۇشار الدىندا پتر-تەست تاپسىرىپ، ونىڭ ناتيجەسىن وسى ەلدىڭ رەتتەۋشى ورگانىنا تاپسىرۋى ءتيىس بولاتىن.
«ءبىز ەلگە كەلەتىن قوناقتاردان تەك ۆاكسينا سالدىرۋىن سۇرايمىز. شەتەلدىكتەر مەيرامحانا، ءدامحانا جانە قوناقۇيلەردە كوۆيد-تولقۇجاتتىڭ تالاپ ەتىلەتىنىن ۇمىتپاۋى ءتيىس»، - دەدى ريو-دە-جانەيرو قالاسىنىڭ مەرى ەدۋاردو پاەس.