برازيليادا ءىز-تۇزسىز جوعالىپ كەتكەن جۋرناليست پەن گيد ىزدەستىرىلىپ جاتىر

قىلمىس تا جاسالعان بولۋى مۇمكىن

برازيليادا وتكەن جەكسەنبىدەن بەرى ءىز-تۇزسىز جوعالىپ كەتكەن جۋرناليست پەن جەرگىلىكتى حالىقتاردىڭ مادەنيەتىن زەرتتەپ جۇرگەن ساراپشى ىزدەستىرىلىپ جاتىر. بريتاندىق دوم فيليپس پەن برازيليالىق برۋنو پەرەير پەرۋمەن شەكاراعا جاقىن ماڭداعى جاۆاري نۋىندا جوعالعان، دەپ حابارلايدى Almaty-akshamy.kz قازاقپاراتقا  سىلتەمە جاساپ.

«ءبىز تەرگەۋ نۇسقالارىنىڭ بىردە-بىرىن ەلەۋسىز قالدىرمايمىز. ەكى باستى باعىتىمىز بار. ىزدەۋ توقتاعان جوق. قىلمىس تا جاسالعان بولۋى مۇمكىن»، - دەيدى امازوناس شتاتى پوليسياسىنىڭ باستىعى الەكساندر ەدۋاردو فونتەس.

ەuronews—ءتىڭ مالىمەتىنشە، بۇگىنگە دەيىن پوليسياعا 6 ادام حابار ايتقان.

جەرگىلىكتى حالىقتار ءىسى جونىندەگى اگەنتتىك وكىلى مارسەلو كساۆە ۆالە-دۋ-جاۆاريدىڭ اۋماعى ەكى پورتۋگاليا تەرريتورياسىنا تەڭ ەكەنىن جانە بۇل ايماقتىڭ اسا قوناقجاي ەمەسىن ەسەكەرۋ كەرەكتىگىن العا تارتادى.

«ەكى ادام عانا بولىپ، قاۋىپسىزدىك ورگاندارىنا رەسمي تۇردە ەسكەرتپەستەن، جەرگىلىكتى حالىقتار تۇراتىن اۋماققا كىرىپ كەتكەنى قيىن جاعداي بولىپ تۇر»، - دەيدى ول.

ادامدار دوم فيليپس پەن برۋنو پرەرەيرانىڭ سوڭعى رەت قايىقپەن سەرۋەن قۇرىپ جۇرگەنىن كورگەن. ولاردىڭ ىزىنەن ەرگەن ەر ادامدى ساقشىلار ۇستاپ، كەيىننەن بوساتقان.