قۇرىلىس كولىكتەرىنىڭ كومەگىمەن ادامدار اۆتوبۋستاردان ەۆاكۋاسيالاندى
ەكى كۇن قاتارىنان تۇركيا استاناسى انكارادا جاۋعان جاڭبىر تۇرعىنداردى الەككە سالدى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
قارعىن سۋدىڭ قارقىنى قاتتى بولعانى سونشا، سۋاعارلارعا سىيماي، جولدىڭ ۇستىنە شىعىپ كەتكەن. سالدارىنان كولىكتەر سۋ استىندا قالدى. ءتىپتى كەيبىر تۇرعىندار جولدى ءجۇزىپ وتكەن. قۇرىلىس كولىكتەرىنىڭ كومەگىمەن ادامدار اۆتوبۋستاردان ەۆاكۋاسيالاندى.
بۇدان بولەك، كوپتەگەن تۇرعىن ءۇي، دۇكەن مەن مەكتەپتەردىڭ تومەنگى قاباتتارى سۋ استىندا قالعان. توتەنشە اپاتتىڭ سالدارىن جويۋ ءۇشىن مۋنيسيپالدىق بيلىك ەڭ قيىن اۋداندارعا قۇتقارۋشىلار مەن دارىگەرلەردەن قۇرالعان جاساقتاردى جىبەردى.