جيىرما ءتورتىنشى سۋردليمپيادادا وتانداستارىمىزعا مول ءۇمىت ارتامىز
برازيليانىڭ كاشياس-دۋ-سۋل قالاسىندا جازعى سۋرداليمپيادانىڭ سالتاناتتى اشىلۋ ءراسىمى ءوتتى. بايراقتى باسەكەدە الەمنىڭ 100 ەلىنەن 3500 سپورتشى سپورتتىڭ جيىرما ءبىر تۇرىنەن ب ا ق سىنايدى، دەپ حابارلايدى Almaty-akshamy.kz.
سپورت جانە دەنە شىنىقتىرۋ ىستەرى كوميتەتىنىڭ مالىمەتىنشە، ەستۋ مۇشەسى زاقىمدانعان سپورتشىلار اراسىنداعى وليمپيادادا قازاقستان اتىنان 65 سپورتشى سپورتتىڭ توعىز تۇرىنەن: ۇستەل تەننيسى، ءجۇزۋ، كاراتە-دو، تاەكۆاندو، دزيۋدو، جەڭىل اتلەتيكا، گرەك-ريم، ەركىن كۇرەس جانە بادمەنتوننان ەل نامىسىن قورعايدى.
سالتاناتتى ءىس-شارادا ەلىمىزدىڭ كوك بايراعىن سامسۋندا (تۇركيا) وتكەن XXIII - جازعى سۋردليمپيادانىڭ چەمپيونى، الەم چەمپيوناتىنىڭ جانە كوپتەگەن حالىقارالىق تۋرنيرلەردىڭ جۇلدەگەرى، تاەكۆونديست – ايان ءابدىراش الىپ شىقتى.
«وسىنداي ءىرى حالىقارالىق دودادا ەلىمنىڭ بايراعىن الىپ شىعۋ ماعان تاپسىرىلدى. بۇل مەن ءۇشىن ۇلكەن مارتەبە. سۋردليمپياداعا مەن تىڭعىلىقتى دايىندالدىم. بار كۇش-جىگەرىمدى سالىپ وزىمە ارتىلعان ءۇمىتتى اقتايمىن، دەگەن ويدامىن»،- دەدى ايان.
ايتا كەتەيىك، سامسۋن قالاسىندا (تۇركيا) وتكەن 23ء-شى سۋردليمپيادادا قازاقستاندىق سپورتشىلار سپورتتىڭ 8 تۇرىنەن (ەركىن كۇرەس، گرەك-ريم، دزيۋدو، تاەكۆوندو، كاراتە، ءجۇزۋ، جەڭىل اتلەتيكا، ۇستەل تەننيسى) ونەر كورسەتكەن بولاتىن. قازاقستان ۇلتتىق قۇراماسى جالپىكوماندالىق ەسەپتە 25ء-شى ورىنعا يە بولىپ، 1 التىن، 1 كۇمىس جانە 5 قولا مەدالدى جەڭىپ العان.
جيىرما ءتورتىنشى سۋردليمپيادادا وتانداستارىمىزعا مول ءۇمىت ارتامىز، دەيدى ق ر سپورت جانە دەنە شىنىقتىرۋ ىستەرى كوميتەتى ءتوراعاسىنىڭ ورىنباسارى بەكبولات بايجانوۆ.
«بۇل قازاقستان قۇراماسى قاتىسىپ وتىرعان التىنشى جازعى سۋردليمپيادا. وتاندىق سپورتشىلارىمىز وسىعان دەيىنگى جارىستاردا جۇلدەلى ورىنداردان كورىنىپ ءجۇر. بۇل سىندا دا لايىقتى ناتيجە كورسەتەدى دەگەن ويدامىز. بارشا قازاقستاندىقتاردى ۇلتتىق قۇراماعا جانكۇيەر بولۋعا شاقىرامىز»، - دەدى بەكبولات ءقۇستۇتىن ۇلى.
تاعى ءبىر ايتا كەتەتىن جايت، سۋردليمپيادالىق سپورت تۇرلەرىن قولداۋ ماقساتىندا مەملەكەت تاراپىنان بەرىلەتىن قارجىلاي سىياقى مولشەرى وليمپيادا جانە پاراليمپيادامەن تەڭەستىرىلگەن بولاتىن. ياعني اتالمىش جارىستان ءبىرىنشى ورىن العان سپورتشىعا 250 000، ەكىنشى ورىن 150 000، ءۇشىنشى ورىن- 75 000، ءتورتىنشى ورىن — 30 000، بەسىنشى ورىن — 10 000 جانە التىنشى ورىن ءۇشىن — 5 000 اقش دوللارى بەرىلەدى.
جازعى سۋردليمپيادا مامىر ايىنىڭ ون بەسىنە دەيىن جالعاسادى.