ءورتتىڭ نەدەن شىققانى ازىرگە بەلگىسىز
فيليپپيندە بولعان ءورت سالدارىنان 8 ادام مەرت بولدى، ولاردىڭ اراسىندا بالالار دا بار، دەپ حابارلايدى Almaty-akshamy.kz قازاقپاراتقا سىلتەمە جاساپ.
BBC اگەنتتىگىنىڭ مالىمەتىنشە، فيليپپين استاناسى مانيلا ماڭىنداعى كوپتەگەن ۇيلەردە بولعان ءورت سالدارىنان 8 ادام قازا تاپقان، ونىڭ 6-ۋى بالالار.
جەرگىلىكتى ۋاقىت بويىنشا تاڭعى ساعات 05-00-دەر كەزىندە باستالعان ءورتتىڭ سالدارىنان 80 ءۇي جانىپ كەتتى. قايعىلى جاعداي كەسون-سيتيدە ورنالاسقان فيليپپين ۋنيۆەرسيتەتىنىڭ كەڭ اۋقىمدى كامپۋسىنىڭ ىشىندەگى تۇرعىندار تىعىز قونىستانعان اۋىلداعى تۇرعىن ءۇيدىڭ ەكىنشى قاباتىنان باستالدى.
ءورتتىڭ نەدەن شىققانى ازىرگە بەلگىسىز.
ءورت ءسوندىرۋشى وفيسەر گرەگ بيچايدا AFP اقپارات اگەنتتىگىنە ءورتتى سوندىرۋگە ەكى ساعات استام ۋاقىت كەتكەنىن حابارلادى.
«ءورتتىڭ جىلدام تاراعانى سونشالىق زارداپ شەككەندەر ۇيلەرىنەن شىعىپ ۇلگەرمەدى»،-دەدى ول.
سونداي-اق ونىڭ سوزىنشە، مەرت بولعانداردىڭ 6-ۋى بالا، الايدا ولاردىڭ ناقتى جاسىنا قاتىستى اقپارات تاراتىلماي وتىر.
«مۇنداعى ۇيلەر جەڭىل ماتەريالداردان سالىنعان. ءورت شىققان كەزدە ادامدار نە ىستەرىن بىلمەي ابدىراپ قالدى. ءبىزدىڭ ستانسيامىز جاقىن بولعانىمەن ولار بىزگە حابارلاسا المادى»،-دەدى بيچايدا.
ايتا كەتەيىك، فيليپپين الەمدەگى حالىق ەڭ تىعىز ورنالاسقان مەملەكەتتەردىڭ ءبىرى.
مىڭداعان ادام حالىق شەكتەن تىس تىعىز ورنالاسقان ايماقتاردا تۇرادى جانە وندا ءورت وقيعالارى ءجيى بولىپ تۇرادى.