كۇدىكتى 28 جاستاعى ايەلىنە كوپتەگەن پىشاق جاراقاتىن سالعان.
باتىس قازاقستان وبلىسىندا ايەلىن پىشاقتاپ تاستاعان كۇدىكتى ىزدەستىرىلىپ جاتىر، دەپ حابارلايدى اlmaty-akshamy.kz.
بقو پوليسيا دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، وقيعا بايتەرەك اۋدانى ورتالىعى پەرەمەتنىي اۋىلىندا بولدى.
«8 ءساۋىر كۇنى ساعات 01.40-تا 1990 جىلعى ەر ادام كافەلەردىڭ ءبىرىنىڭ ماڭىندا ءوزىنىڭ 28 جاستاعى ايەلىنە كوپتەگەن پىشاق جاراقاتىن سالعان. سودان كەيىن وقيعا ورنىنان بوي تاسالاعان. زارداپ شەككەن ايەل بايتەرەك اۋداندىق ورتالىق اۋرۋحاناسىنا جاتقىزىلدى. قازىرگى كەزدە كۇدىكتىنىڭ جۇرگەن جەرىن انىقتاۋ ماقساتىندا جەدەل ىزدەستىرۋ جۇمىستارى جۇرگىزىلۋدە. بۇعان پوليسيانىڭ بارلىق كۇشى جۇمىلدىرىلدى. اتالعان دەرەك بويىنشا ق ر قك 24-بابى 3-بولىگى – 99-بابى 1-بولىگىنە (كىسى ولتىرۋگە وقتالۋ) سايكەس سوتقا دەيىنگى تەرگەۋ امالدارى باستالدى»، - دەپ حابارلادى ۆەدومستۆودان.