قازاقستاندىقتار الەمدەگى ەڭ بەدەلدى مارافونداردىڭ بىرىنە قاتىستى
125ء-شى بوستون مارافونى 11 قازاندا ءوتتى. وعان 20 مىڭعا جۋىق ادام قاتىستى، دەپ حابارلايدى Almaty-akshamy.kz
42 شاقىرىم 195 مەتر قاشىقتىقتى باعىندىرعان قازاقستاندىقتار اراسىندا «الماتى مارافونىنىڭ» ديرەكتورى سالتانات قازىبايەۆا، قازاقستاننىڭ اقش-تاعى ۆيسە-كونسۋلى ەرلان وتەگەنوۆ، اسقار ەسەركەنوۆ، ءاليا ايتقازينا، دانيار وتەۋلين مەن باعدات احمەتوۆ بار.
بوستون مارافونىنا سەرتيفيكاتتالعان مارافونداردان ىرىكتەۋدەن ءوتۋ ارقىلى (ءار جاس ساناتى بويىنشا ىرىكتەۋ ۋاقىتى بار) نەمەسە قايىرىمدىلىق ارقىلى (قايىرىمدىلىق 7-9 مىڭ دوللاردان باستالادى) قاتىسۋعا بولادى.
بوستون مارافونى ءداستۇرلى تۇردە ءساۋىر ايىنىڭ ءۇشىنشى دۇيسەنبىسىندە مەملەكەتتىك مەرەكە - پاتريوتتار كۇنىندە وتەدى. 2020 جىلى پاندەمياعا بايلانىستى توقتاتىلىپ، بيىل قازان ايىنا اۋىستىرىلدى.