جاقىندا تەنيستەن ءدۇبىرلى دودا شىمىلدىعىن تۇرمەك
ۇلتتىق وليمپيادا كوميتەتى دەرەگىنشە، قاراعاندى قالاسىندا ايەلدەر اراسىندا العاش رەت ەكى ITF W25 ءتۋرنيرى وتەدى، دەپ حابارلايدى Almaty-akshamy.kz.
قازاقستان تەننيس فەدەراسياسى ءمالىم ەتكەنىندەي، جالپى جۇلدە قورى – 50 مىڭ اقش دوللارى. جارىستار قاراعاندىدا وتكەن جىلدىڭ كۇزىنەن جۇمىس جاساي باستاعان جاڭا تەننيس ورتالىعىندا 18-24 جانە 25-31 قازان ارالىعىندا بولادى.
جەكەلەي سىندا قازاقستاننان گوزال اينيتدينوۆا، جىبەك قۇلامبايەۆا، ەكاتەرينا دميتريچەنكو ب ا ق سىنايدى. سونىمەن قاتار بىرنەشە جاس تەننيسشى ۇيىمداستىرۋشىلاردان ارنايى شاقىرتۋ الماقشى.
دوداعا رەسەيلىكتەر - الەمنىڭ 133ء-ىنشى جانە 195-راكەتكالارى ۆيتاليا دياچەنكو مەن ماريا مەلنيكوۆا، سونداي-اق بەلارۋس وكىلى يۋليا گوتوۆكو، نيدەرلاندىلىق سيۋزان لامەنس قاتىسادى.
اتالمىش تەننيس ورتالىعى حالىقارالىق تالاپتارعا تولىق سايكەس كەلەدى. وندا 11 كورت (جەتەۋى جابىق) ورنالاسقان.