ۇكىمەت ۇلتتىق دامۋ جوبالارىن بەكىتتى

بۇل جوبالاردى مەملەكەت باسشىسى ماقۇلداعان.

ق ر پرەمەر-مينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا ۇلتتىق جوبالار قارالدى، دەپ حابارلايدى Almaty-akshamy.kz رrimeminister.kz سايتىنا سىلتەمە جاساپ.

«مەملەكەت باسشىسى قاسىم-جومارت توقايەۆ 2020 جىلعى 1 قىركۇيەكتەگى قازاقستان حالقىنا جولداۋىندا مەملەكەتتىك باعدارلامالاردان ۇلتتىق جوبالارعا كوشۋدى قامتاماسىز ەتۋدى تاپسىردى. مەملەكەتتىك جوسپارلاۋدىڭ جاڭا جۇيەسىن ىسكە اسىرۋ اياسىندا ۇلكەن جۇمىس اتقارىلدى»، —  دەدى اسقار مامين. 

«تۇراقتى ەكونوميكالىق ءوسۋ»، «كاسىپكەرلىكتى دامىتۋ»، «قۋاتتى وڭىرلەر – ەل دامۋىنىڭ درايۆەرى» ۇلتتىق جوبالارى، 2021-2025 جىلدارعا ارنالعان اگروونەركاسىپتىك كەشەندى دامىتۋ جونىندەگى ۇلتتىق جوبا، «جاسىل قازاقستان»، «سيفرلاندىرۋ، يننوۆاسيالار جانە عىلىم ەسەبىنەن تەحنولوگيالىق سەرپىلىس»، «ءبىلىمدى ۇلت» ساپالى ءبىلىم بەرۋ»، «سالاماتتى ۇلت» ءار ازامات ءۇشىن ساپالى جانە قولجەتىمدى دەنساۋلىق ساقتاۋ»، «ۇلتتىق رۋحاني جاڭعىرۋ» ۇلتتىق جوبالارى بيىل قابىلدانعان جالپىۇلتتىق باسىمدىقتاردى، ۇلتتىق دامۋ جوسپارى مەن ۇلتتىق قاۋىپسىزدىك ستراتەگياسىن ىسكە اسىرۋ ءۇشىن ازىرلەندى.