"الماتى سۋ" كوممۋنالدىق كاسىپورنىنىڭ اپپاتتىق قىزمەتى بوستاندىق اۋدانىنداعى سۋ قۇبىرىندا ورىن العان اپات سالدارىن جويۋ جونىندەگى جۇمىستاردى اياقتادى، دەپ حابارلايدى Almaty-akshamy.kz.
سۋ قۇبىرىنىڭ اپاتتىق جارىلۋى سەبەبىنەن توقتاتىلعان سۋىق سۋمەن جابدىقتاۋ وسى تاۋلىكتىڭ 00.00 ساعاتىنا دەيىن تولىق كولەمدە قالپىنا كەلتىرىلەتىن بولادى.
21.30-دان باستاپ سۋ قۇبىرى جەلىلەرىنە سۋ جىبەرۋ باستالادى.
بوستاندىق جانە المالى اۋداندارىنىڭ ءبىر بولىگىندە ۋاقىتشا سۋ ساپاسى تومەندەۋى مۇمكىن.
كوممۋنالدىق كاسىپورىن تۇرعىنداردان، سۋ تولىق تازارعانعا دەيىن، كىر جۋعىش ماشينالار مەن ىدىس جۋعىش ماشينالاردى ۋاقىتشا پايدالانباي تۇرۋدى سۇرايدى. اپاتتىق قىزمەتتەر ينجەنەرلىك جەلىلەردى جۋۋ جۇمىستارىن جۇرگىزەتىن بولادى.
ءتورت مەتر تەرەڭدىكتە اپاتتىق-قالپىنا كەلتىرۋ جۇمىستارىنىڭ ناتيجەسىندە ۇزىندىعى 8 م د=600 مم قۇبىردىڭ تولىق توزعان سەگمەنتى اۋىستىرىلدى.
جۇمىسقا 12 بىرلىك ارنايى تەحنيكا جانە "الماتى سۋ" مكك 31 قىزمەتكەرى جۇمىلدىرىلدى.
قالانىڭ جول قىزمەتتەرى سۋدىڭ اعۋى ناتيجەسىندە پايدا بولعان جولدار مەن تروتۋارلارداعى مۇزدى جويۋ جۇمىستارىن ورىندادى.
مىڭبايەۆ كوشەسى بويىمەن تارتىلعان ماگيسترالدىق سۋ قۇبىرى 1972 جىلى پايدالانۋعا بەرىلگەن جانە قالانىڭ سۋمەن جابدىقتاۋ جۇيەسىندە 50 جىلدان استام ۋاقىت قولدانىلعان قۇبىردىڭ ابدەن توزىعى جەتكەن. الداعى جىلدارى وسى قۇبىردى بۇكىل ۇزىندىعى بويىنشا كەزەڭ-كەزەڭىمەن اۋىستىرۋ جوسپارلانۋدا.
الماتى قالاسىنىڭ قولدانىستاعى ينجەنەرلىك ينفراقۇرىلىمى جەلىلەرى دە، وبەكتىلەردىڭ جابدىقتارى دا ايتارلىقتاي توزعان. سۋمەن جابدىقتاۋ جەلىلەرىنىڭ ۇزىندىعى 3528 كم قۇرايدى، ونىڭ ىشىندە 1941،2 كم جەلى اۋىستىرۋدى قاجەت ەتەدى (جالپى ۇزىندىعىنىڭ 55،8%).
«الماتى سۋ» مكك