پوليسەيلەر پويىز جولاۋشىسىنان اسا ءىرى مولشەردە ەسىرتكى زاتىن تاركىلەدى.
كولىكتەگى پوليسيا قىزمەتكەرلەرى شۋ ستانسياسىندا الماتى وبلىسىنىڭ تۇرعىنىنان اسا ءىرى مولشەردە ەسىرتكى زاتىن تاركىلەدى، دەپ حابارلايدى اlmaty-akshamy.kz polisia.kz تەلەگرام كانالىنا سىلتەمە جاساپ.
ەسىرتكىنى شۋ ستانسياسىنداعى ۆوكزال پەررونىندا قىزمەتتىك يت تاپقان. الماتى وبلىسى تۇرعىنىنىڭ سومكەسىنەن جالپى سالماعى 12 كەلى 480 گرامم «ماريحۋانا» تابىلىپ، تاركىلەندى.
«اتالعان فاكتى بويىنشا ق ر قىلمىستىق كودەكسىنىڭ 296-بابى 4-بولىگى، ياعني ەسىرتكى قۇرالدارىن اسا ءىرى مولشەردە زاڭسىز ساقتاۋ بويىنشا سوتقا دەيىنگى تەرگەپ-تەكسەرۋ باستالدى»، - دەدى كولىكتەگى پوليسيا دەپارتامەنتىنىڭ باستىعى باقىتجان مالىبايەۆ.
كۇدىكتىنىڭ شۋ اۋدانىندا جابايى قاراسورا جيناپ، ونى الماتى قالاسىنا تەمىرجول كولىگىمەن تاسىمالداۋدى جوسپارلاعانى انىقتالدى.
«ول پوليسيا ءبولىمىنىڭ ۋاقىتشا ۇستاۋ يزولياتورىنا قامالدى، تەرگەۋ جۇرگىزىلىپ جاتىر»، - دەدى ب. مالىبايەۆ.