الماتىنىڭ كوپبالالى جانە از قامتىلعان وتباسىلارىنا كورسەتىلەتىن الەۋمەتتىك كومەك ەرەكشە باقىلاۋدا.
بۇل تۋرالى وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا بوستاندىق اۋدانىنىڭ اكىمى التاي راحىمبەتوۆ ايتتى، دەپ حابارلايدى Almaty-akshamy.kz
اكىمنىڭ ايتۋىنشا، بوستاندىق اۋدانىندا كوپبالالى جانە از قامتىلعان وتباسىلاردان شىققان بالالاردى قولداۋ جانە دامىتۋ ءۇشىن «اۋەن الەمى» مەكتەبى اشىلدى، وعان 50 بالا تەگىن بارادى.
«وسى جىلدىڭ ءساۋىر ايىندا «گاۋحار تاس» تۇرعىن ءۇي كەشەنىندە بيزنەستىڭ الەۋمەتتىك جاۋاپكەرشىلىگى اياسىندا جوبالىق قۋاتى كۇنىنە 60 بالا بولاتىن «شىڭعا ورلەۋ» الەۋمەتتىك كلۋبى اشىلدى. اۋدان اۋماعىندا №3 وقۋشىلار ءۇيى جۇمىس ىستەيدى، وندا 1 330 بالا 29 ۇيىرمەگە تەگىن قاتىسادى»، – دەدى التاي راحىمبەتوۆ.
سونداي-اق «جۇمىسپەن قامتۋدىڭ جول كارتاسى» باعدارلاماسى اياسىندا قالالىق بالالار ي. ا. كرىلوۆا مەن №29 كىتاپحانادا كۇردەلى جوندەۋ جۇمىستارى اياقتالدى.
التاي راحىمبەتوۆتىڭ ايتۋىنشا، بوستاندىق اۋدانىندا التى ءىرى سپورت نىسانى بار، وندا 75 سپورت سەكسياسى جۇمىس ىستەيدى جانە 7 570 ادام قاتىسادى.
«اۋداندا جاستار ساياساتىن قولداۋ جونىندەگى مەملەكەتتىك قور قارجىلاندىراتىن، كۇنىنە 150 ادامدى قامتيتىن 3 دەمالىس ورتالىعى جۇمىس ىستەيدى. جەكە سپورت ۇيىمدارىن تارتۋ ەسەبىنەن 500 ادامدى قامتي وتىرىپ، بوس ۋاقىتتى وتكىزۋ ورتالىقتارىنىڭ سانىن 10-عا دەيىن ارتتىرۋ جوسپارلانۋدا»، – دەدى اۋدان اكىمى.
اۋداننىڭ وقۋ ورىندارىندا تەگىن نەگىزدە 400-گە جۋىق ۇيىرمە مەن سەكسيالار جۇمىس ىستەيدى، وندا وقۋشى مەن ستۋدەنتتەردىڭ سانى 20 000-نان استام ادامدى قۇرايدى.
15 سپورت الاڭىندا (فۋتبول جانە باسكەتبول الاڭدارى، تەننيس كورتى جانە ۆوركاۋت-الاڭدار) تەگىن جاتتىعۋلار وتكىزەدى. اتاكەنت اۋماعىندا ورنالاسقان Gorilla Atakent park سكەيت-پاركى جۇمىس ىستەيدى، وعان كۇن سايىن 100-دەن استام ادام كەلەدى.
«LegenDA جاتتىعۋ زالى اشىلدى، ونىڭ باستى ماقساتى كاسىبي سپورتشىلارمەن بىرگە ەرەكشە قابىلەتى بار ادامدار ءۇشىن سپورتپەن ەركىن اينالىسۋعا مۇمكىندىك بەرەدى. ورتالىققا كۇنىنە 115 ادام بارادى، ونىڭ 15ء-ى مۇمكىندىگى شەكتەۋلى جاندار. ولار تەگىن قاتىسادى»، – دەدى ا. راحىمبەتوۆ.
بوستاندىق اۋدانىندا «جاندوسىم» تەننيس ورتالىعىنىڭ قۇرىلىسى اياقتالدى. 2021 جىلدىڭ قازان ايىنا دەيىن امبەباپ زالى مەن 580 ورىندىق تريبۋناسى بار «سۇڭقار» ترامپليندەرىنىڭ ەكىنشى كەزەگىنىڭ، جابىق ءجۇزۋ باسسەينى مەن قوناق ءۇي كەشەنىنىڭ قۇرىلىسى جۇرگىزىلۋدە.
2022 جىلى گاگارين داڭعىلى بويىنداعى MyWin سپورت كەشەنىنىڭ قۇرىلىسىن اياقتاۋ جوسپارلانۋدا. قوجابەكوۆ كوشەسىندە امبەباپ زال مەن باسسەين جۇمىس جاسايتىن بولادى.