12 كوشەگە اسفالت توسەلدى، تاعى ءتورت كوشە مەن ءبىر كولىك ايماعى كەزەكتە تۇر. جالپى ۇزىندىعى – 17 شاقىرىم.
بۇل تۋرالى وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا اۋدان اكىمى التاي راحىمبەتوۆ ايتتى، دەپ حابارلايدى Almaty-akshamy.kz
اۋدان باسشىسىنىڭ ايتۋىنشا، 1 تامىزعا دەيىن ءتورت كوشەنىڭ ورتاشا جوندەلۋى اياقتالادى، 12ء-سى جوندەلدى.
«ءۇش ۋچاسكەدە 663 مەتر تروتۋار جەلىسى سالىندى جانە ەكى مەكەنجاي بويىنشا تروتۋار سالۋ جۇمىستارى جالعاسۋدا. ساين-تورايعىروۆ كوشەلەرىندەگى كولىك ايماعىن جوندەۋ اياقتالدى»، – دەدى التاي راحىمبەتوۆ.
بوستاندىق اۋدانىنداعى جولداردى جوندەۋمەن قاتار، كوشە جارىعىن قالپىنا كەلتىرۋ جۇمىسى جۇرگىزىلۋدە.
التاي راحىمبەتوۆتىڭ ايتۋىنشا، اۋدان اكىمدىگى ەنەرگوتيىمدىلىك جانە ينفراقۇرىلىمدىق دامۋ باسقارماسىمەن بىرلەسىپ، بيىلعى جوندەۋ جۇمىستارى اياسىندا 155 ۋچاسكەنى جارىقتاندىرۋ بويىنشا جۇمىستار باستالدى. 140 ۋچاسكەدە جوندەۋ جۇمىستارى اياقتالدى (1 130 تىرەك جانە 4 526 شام ورناتىلدى).
«1 قىركۇيەككە دەيىن قالعان 15 ۋچاسكەدە جارىقتاندىرۋدى ورناتۋدى اياقتايمىز. قالانىڭ ەنەرگوتيىمدىلىك جانە ينفراقۇرىلىمدىق دامۋ باسقارماسى قالانىڭ جارتىلاي جارىقتاندىرىلماعان كوشەلەرى مەن اۋلا ايماقتارىن جارىقتاندىرۋعا قوسىمشا جوبالىق-سمەتالىق قۇجاتتاما دايىندادى. اتالعان تىزىمدە بوستاندىق اۋدانىنىڭ 214 جارتىلاي جارىقتاندىرىلعان ۋچاسكەلەرى مەن 117 اۋلاسى بار»، – دەدى التاي راحىمبەتوۆ.
وسى جۇمىستاردىڭ ارقاسىندا بوستاندىق اۋدانى 100% جارىقپەن قامتاماسىز ەتىلەدى.
اۋدان اۋماعى كوگالداندىرۋ ەسەبىنەن دە وزگەرەدى. التاي راحىمبەتوۆتىڭ ايتۋىنشا، Jasyl Almaty باعدارلاماسى بويىنشا بيىلعى جىلعا جوسپارلانعان 20 مىڭ اعاش پەن بۇتادان 4 989 اعاش وتىرعىزىلدى، ونىڭ 1 500ء-ى بيۋدجەت جانە 3 489-ى جەكە تۇلعالار مەن پكسك ەسەبىنەن. كۇزگى كەزەڭدە 15 مىڭعا جۋىق اعاش وتىرعىزىلماق.