بۇل تۋرالى الماتى قالاسى وقك ونلاين بريفينگىندە بوستاندىق اۋدانى اكىمىنىڭ ورىنباسارى رەنات سەيدرامانوۆ مالىمدەدى.
اۋداندا مەكتەپتەردىڭ قۇرىلىسى مەن كەڭەيۋى ءۇزىلىسسىز ءجۇرىپ جاتىر، دەپ حابارلايدى Almaty-akshamy.kz Almaty.tv سايتىنا سىلتەمە جاساپ.
سپيكەردىڭ ايتۋىنشا، ءقازىردىڭ وزىندە 1625 ورىندىق №38، 60، 199 مەكتەپتەردىڭ قوسىمشالارى پايدالانۋعا بەرىلگەن.
«300 وقۋشىعا ارنالعان №191 مەكتەپكە جاپسارجاي قۇرىلىسى اياقتالۋدا. الەۋمەتتىك جاۋاپكەرشىلىك اياسىندا 300 ورىندىق №146 ليسەي عيماراتىنا قوسىمشا قۇرىلىس جۇمىستارى اياقتالدى. كەيىنىرەك «Bazis-ا» كومپانياسى 300 ورىندىق №65 جالپى ءبىلىم بەرەتىن مەكتەپكە قوسىمشا قۇرىلىس سالۋدى باستايدى»، - دەپ اتاپ ءوتتى سپيكەر.
سونىمەن قاتار، №81 مەكتەپ-گيمنازياسى مەن №40، 45 جالپى ءبىلىم بەرەتىن مەكتەپتەرگە سەيسميكالىق كۇشەيتۋ جۇمىستارى جۇرگىزىلدى. "وربيتا-3" شاعىناۋدانىنداعى № 145 مەكتەپكە كۇردەلى جوندەۋ جۇمىستارى جالعاسۋدا.
«جەكەمەنشىك مەكتەپتەردىڭ اشىلۋى ستۋدەنتتىك ورىن تاپشىلىعىن ازايتۋعا ىقپال ەتەدى، بىلتىر اۋداندا 705 ورىندىق 6 مەكتەپ پايدا بولدى. سونداي-اق، «RAMS City» تۇرعىن ءۇي كەشەنىن سالۋ بارىسىندا 1100 ورىندىق مەكتەپ پەن ەكى بالاباقشا سالۋ جوسپارلانۋدا»، - دەپ مالىمدەدى ر.سەيدرامانوۆ.
جەرگىلىكتى اتقارۋشى ورگاندار قۇرىلىس سالۋشىلارمەن بىرلەسە وتىرىپ، «مەگا الماتى» ساۋدا ورتالىعى مەن «ادك» ساۋدا ءۇيىنىڭ اۋدانىندا مەكتەپتەر سالۋ ماسەلەسىن قاراستىرۋدا.
مەكتەپتەرمەن قاتار بالاباقشالار سالىنۋدا، جوندەلۋدە جانە سەيسميكالىق نىعايتىلۋدا. مىسالى، № 21 گيمنازيا اۋماعىندا 120 ورىندىق جاڭا بالاباقشا قۇرىلىسى اياقتالدى. سونداي-اق، №71 بالاباقشا عيماراتىن كۇردەلى جوندەۋمەن سەيسميكالىق نىعايتۋ اياقتالدى. ناۋاي كوشەسىندەگى №113 بالاباقشا عيماراتىنا ءبىر جىلعا جۋىق كۇردەلى جوندەۋ جۇمىستارى جۇرگىزىلۋدە. اشىلۋى اعىمداعى جىلدىڭ 1 قىركۇيەگىنە جوسپارلانىپ وتىر.
اۋدان اكىمدىگىندە دەنساۋلىق ساقتاۋ نىساندارىنىڭ قۇرىلىسى باسىمدىققا يە، 2020-2024 جىلدارعا ارنالعان «جاڭا الماتى» كەشەندى جوسپارى بەلسەندى جۇزەگە اسىرىلۋدا. اۋدان اكىمى ورىنباسارىنىڭ ايتۋىنشا، «بالالارعا جەدەل مەديسينالىق كومەك كورسەتۋ ورتالىعىنىڭ» وپەراسيالىق بلوگى بار قابىلداۋ بولىمشەسى كورپۋسىنىڭ قۇرىلىسى جالعاسۋدا. جۇمىستار كەلەسى جىلدىڭ ءساۋىر ايىندا اياقتالادى دەپ جوسپارلانۋدا.