جىل باسىنان بەرى 778 ورىندىق 12 جەكەمەنشىك بالاباقشا اشىلدى
الماتىنىڭ بوستاندىق اۋدانىندا ءبىلىم بەرۋ جانە دەنساۋلىق ساقتاۋ نىساندارىنىڭ قۇرىلىسى جوعارى قارقىنمەن ءجۇرىپ جاتىر. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە اۋدان اكىمى التاي راحىمبەتوۆ مالىمدەدى، دەپ حابارلايدى Almaty-akshamy.kz
مىسالى، وسى جىلدىڭ ءساۋىر ايىندا «اتامەكەن» تۇك №17 قالالىق ەمحاناسى جانىنان جاڭا دارىگەرلىك امبۋلاتوريا اشىلدى. بۇل «جاڭا الماتى» كەشەندى جوسپارىنىڭ ستراتەگيالارىنىڭ ءبىرى – ينفراقۇرىلىممەن تىعىز بايلانىستا جاڭا نىساندار سالۋ اياسىندا جۇزەگە اسىرىلدى. وسىلايشا جاڭا قونىستانۋشىلار پاتەرلەرىمەن بىرگە قادامدىق قولجەتىمدى جەردە ورنالاسقان الەۋمەتتىك نىسانداردى دا قوسا الدى.
قازىرگى كەزدە «بالالارعا شۇعىل مەديسينالىق كومەك كورسەتۋ ورتالىعى» وپەراسيالىق بلوگى بار قابىلداۋ بولىمشەسى كورپۋسىنىڭ قۇرىلىسى ءجۇرىپ جاتىر. جۇمىستاردى 2022 جىلدىڭ قازان ايىندا اياقتاۋ جوسپارلانۋدا.
ءبىلىم بەرۋ وبەكتىلەرىن دامىتۋ دا باسىمدىققا يە. قازىرگى كەزدە، اۋدان اكىمىنىڭ مالىمەتىنشە، 34 مەملەكەتتىك مەكتەپ جۇمىس ىستەيدى، جىل باسىندا تاپشىلىق 3 750 وقۋشى ورنىن قۇرادى.
بۇل ماسەلەنى شەشۋ ءۇشىن №38، 60، 199 مەكتەپتەرگە 1 625 ورىندىق جاپسارجاي پايدالانۋعا بەرىلدى. سونىمەن قاتار 300 وقۋشىعا ارنالعان №191 مەكتەپتىڭ جاپسارجاي قۇرىلىسى اياقتالا كەلدى.
بيىل جازدا №146 ليسەي عيماراتىنا 300 وقۋشى ورىندىق قوسالقى نىساننىڭ قۇرىلىسى باستالدى. سونداي-اق، №65 مەكتەپكە 400 ورىندىق قوسىمشا قۇرىلىس سالۋ جوسپارلانۋدا.
№81 مەكتەپ-گيمنازياسى مەن №40، 45 مەكتەپتەردى قالپىنا كەلتىرۋ جانە كۇردەلى جوندەۋ جۇمىستارىمەن سەيسميكالىق نىعايتۋ جۇرگىزىلدى. تامىز ايىندا "وربيتا-3" شاعىناۋدانىنداعى №145 مەكتەپ عيماراتىن قالپىنا كەلتىرۋ جۇمىستارى ارقىلى سەيسميكالىق كۇشەيتۋگە كىرىستى.
№21 گيمنازيا اۋماعىندا 120 ورىندىق جاڭا بالاباقشا قۇرىلىسى اياقتالدى. سونداي-اق، №71 بالاباقشانى كۇردەلى جوندەۋ اياقتالدى. ناۆوي كوشەسىندەگى №133 بالاباقشادا جوندەۋ جۇمىستارى باستالدى. جىل باسىنان بەرى 778 ورىندىق 12 جەكەمەنشىك بالاباقشا اشىلدى.