ەكى نىسان بويىنشا جوبالىق-سمەتالىق قۇجاتتاما ازىرلەنىپ، جىل سوڭىنا دەيىن مەملەكەتتىك ساراپتاما الىنادى.
بوستاندىق اۋدانىندا 500 ورىندىق 2 ەمحانا سالۋ جوسپارلانۋدا. بىرەۋى-ال-فارابي داڭعىلى مەن سىرعابەكوۆا كوشەسىنىڭ قيىلىسىندا، ەكىنشىسى -گاگارين داڭعىلى مەن ليەۆيتان كوشەسىنىڭ قيىلىسىندا، دەپ حابارلايدى Almaty-akshamy.kz
بوستاندىق اۋدانىنىڭ اكىمى سانجار الين اتاپ وتكەندەي، ەكى نىسان بويىنشا جوبالىق-سمەتالىق قۇجاتتاما ازىرلەنىپ، جىل سوڭىنا دەيىن مەملەكەتتىك ساراپتاما الىنادى دەپ كۇتىلۋدە.
سونداي-اق، ەمحانانىڭ №4،№12 ەمحانالاردىڭ بالالار بولىمشەسى كورپۋستارىن كۇردەلى جوندەۋ جوسپارلانعان.
بالالاردىڭ شۇعىل مەديسينالىق كومەك ورتالىعىنىڭ وپەراسيالىق بلوگى قابىلداۋ ءبولىمى كورپۋسىنىڭ قۇرىلىسى جالعاسۋدا.
الماتى اكىمى ەربولات دوسايەۆتىڭ تاپسىرماسى بويىنشا بوستاندىق اۋدانىندا 8000 ورىندىق 5 جاڭا مەكتەپ سالۋ جوسپارلانعان. ونىڭ ىشىندە: "جايلى مەكتەپ" ۇلتتىق جوباسى اياسىندا 3 مەكتەپ مىنا جەرلەردە سالىنادى: ەگىزبايەۆ،9 مەكەنجايدا 2500 ورىندىق ، روزىباكييەۆ – ليەۆيتان كوشەلەرىنىڭ قيىلىسىندا 1500 ورىندىق جانە روزىباكييەۆ – قوجابەكوۆ قيىلىسىندا 2000 ورىندىق.
الەۋمەتتىك جاۋاپكەرشىلىك اياسىندا "رامس قازاقستان" قۇرىلىس كومپانياسى 2024 جىلدىڭ سوڭىنا دەيىن رامس City اۋماعىندا 1100 ورىندىق مەكتەپ پەن 240 ورىندىق 2 بالاباقشا سالۋدى جوسپارلاۋدا.
"ادك" سو اۋدانىندا "BAZIS" قۇرىلىس كومپانياسى قىركۇيەك ايىنان باستاپ 900 ورىندىق مەكتەپ سالۋ ءۇشىن "كونكريت پروداكشن" ج ش س زاۋىتىن بۇزۋدا.
سونداي-اق، №65 مەكتەپ قوسالقى نىسانىنىڭ، سويلەۋ قابىلەتى اۋىر بالالارعا ارنالعان №9 ارنايى تۇزەتۋ مەكتەپ-ينتەرناتىندا تاماق جانە وقۋ بلوگىنىڭ قۇرىلىسى اياقتالدى.
وربيتا-3 شاعىن اۋدانىنداعى №145 مەكتەپتى سەيسميكالىق كۇشەيتۋ، عيماراتتى قالپىنا كەلتىرۋ جۇمىستارى اياقتالادى.بوستاندىق اۋدانىنىڭ اكىمى اتاپ وتكەندەي، بيىل قوسىمشا 603 ورىندىق 15 جەكە بالاباقشالار اشىلدى.