جارمەڭكە Enbek.kz پورتالىندا.
ەلىمىزدىڭ وڭىرلەرىنەن 20-دان استام ءىرى جۇمىس بەرۋشى قاتىسۋعا ءوتىنىم بەرگەن، دەپ حابارلايدى Almaty-akshamy.kz
29 ناۋرىزدا Enbek.kz ەلەكتروندىق ەڭبەك بيرجاسى الاڭىندا تاۋ-كەن ءوندىرۋ جانە وڭدەۋ ونەركاسىبى كاسىپورىندارىنىڭ بوس جۇمىس ورىندارىنىڭ رەسپۋبليكالىق ونلاين-جارمەڭكەسى وتەدى.
ولاردىڭ اراسىندا ERG، Polymetal International plc كومپانيالار توبىنىڭ كاسىپورىندارى، "KAZ Minerals" ج ش س، "ەلەكتروۆوز قۇراستىرۋ زاۋىتى" ج ش س، "اك التىنالماس" اق جانە باسقالارى بار.
"جارمەڭكە بارىسىندا جۇمىس بەرۋشىلەر ءوز كومپانيالارىنىڭ ونلاين-تۇساۋكەسەرىن وتكىزەدى، قولدا بار بوس جۇمىس ورىندارىن ۇسىنادى جانە ەڭ قولايلى كانديداتتاردىڭ جەكە بازاسىن قالىپتاستىرادى. ءوتىنىش بەرۋشىلەر ءوز كەزەگىندە ۇيىمداردىڭ HR-مەنەدجەرلەرىمەن سويلەسە الادى، اڭگىمەلەسۋدەن ءوتىپ، ولارعا قىزىقتىرعان سۇراقتارىن قويا الادى"، - دەلىنگەن ەڭبەك جانە حالىقتى الەۋمەتتىك قورعاۋ مينيسترلىگىنىڭ رەسمي حابارلاماسىندا.
ءىس-شاراعا قاتىسۋ ءۇشىن Enbek.Tanda پورتالىنىڭ ارنايى بولىمىنە كىرىپ، جۇمىس ىزدەۋشىلەر مەن جۇمىس بەرۋشىلەر تۋرالى اقپاراتپەن تانىسۋ قاجەت.
كەيىن جۇمىس ىزدەۋشىلەر قاجەتتى قولجەتىمدى بوس جۇمىس ورىندارىن تاڭداپ، ولارعا حابارلاسا الادى.