بجزق بارلىق زەينەتاقى جيناقتارىنىڭ 30%-ى شەتەل ۆاليۋتاسىنا ايىرباستالاتىنىن ءتۇسىندىردى، دەپ حابارلايدى كتك. ناۋرىزدا دوللاردىڭ قۇلدىراۋى كەزىندە ينۆەستيسيانىڭ ۆاليۋتالىق بولىگى تەڭگەمەن سالىستىرعاندا ايتارلىقتاي تومەندەگەنى دە سوندىقتان. بجزق ءار سەيسەنبى سايىن قۇبىلمالى مولشەرلەمەنى ەسكەرە وتىرىپ، قايتا ەسەپتەيدى. ال ەرتەڭ قازاقستاندىقتار وزدەرىنىڭ زەينەتاقى شوتىنان باسقا ساندى كورەدى.
«قازاقستاندىقتاردىڭ اقشاسى قازاقستان ءۇشىن جۇمىس ىستەۋى كەرەك. وسىعان سايكەس، ءتۇرلى قاۋىپتەن ساقتاندىرۋ ماقساتىندا اقشانىڭ ءبىر بولىگىن باسقا جەرلەردەگى سياقتى شەتەل ۆاليۋتاسىنا سالۋ تۋرالى شەشىم قابىلداندى»، - دەدى بجزق استاناداعى فيليالىنىڭ ديرەكتورى مۇرات ءشارىپوۆ.
«زەينەتاقى اقشاسىن شەتەل ۆاليۋتاسىنا ينۆەستيسيالاۋعا كەلسەك، بۇل - ستاندارتتى حالىقارالىق تاجىريبە»،- دەپ اتاپ ءوتتى قور.
بۇعان دەيىن بجزق نەلىكتەن بارلىق جيناقتى ءبىر ۆاليۋتادا سالۋ مۇمكىن ەمەس ەكەنىن ايتقان ەدى.