شىمكەنتتە قازا تاپقان نۇراي سەرىكبايدىڭ ىسىنەن كەيىن ول ءتىرى كەزىندە بەرگەن ارىزىن قابىلداماعان پوليسيا قىزمەتكەرلەرىنە قاتىستى قىلمىستىق ءىس قوزعالدى، دەپ حابارلايدى Aqshamnews.kz ءتىلشىسى.
بۇل تۋرالى سەنات كۋلۋارىندا ىشكى ىستەر ءمينيسترىنىڭ ورىنباسارى سانجار ءادىلوۆ مالىمدەدى. ونىڭ ايتۋىنشا، ماجبۇرلەپ نەكەگە تۇرعىزۋ دەرەگى بويىنشا دەر كەزىندە ارەكەت ەتپەگەن ءتارتىپ ساقشىلارىنا "سەلقوستىق" فاكتىسىمەن قىلمىستىق ءىس تىركەلگەن. قازىرگى تاڭدا تەرگەۋدى ءىىم-نىڭ ىشكى قاۋىپسىزدىك دەپارتامەنتى جۇرگىزىپ جاتىر.
ەسكە سالايىق، ۇلتتىق قۇرىلتايدا پرەزيدەنت قاسىم-جومارت توقايەۆ اتالعان ءىستى سىنعا العاننان كەيىن شىمكەنت قالالىق پوليسيا دەپارتامەنتىنىڭ باسشىسى مەن ونىڭ ءبىرىنشى ورىنباسارى قىزمەتتەن كەتكەن ەدى.