الماتىدا «بوران» كوركەم ءفيلمىنىڭ رەسمي كورسەتىلىمى ءوتتى. ءفيلمنىڭ وقيعاسى كەڭەس زامانىندا، وتكەن عاسىردىڭ 80ء-شى جىلدارىنىڭ سوڭىندا ءوربيتىن جاس جىگىتتىڭ حيكاياسىن باياندايدى، دەپ حابارلايدى الماتىداعى Almaty-akshamy.kz BAQ.KZ-كە سىلتەمە جاساپ.
اقتۇتەك بوراندا جىگىت شۇعىل كورشى اۋىلعا اتتانىپ، اداسىپ كەتكەندە، ونى قارت اڭشى تاۋىپ الادى. ءۇي يەلەرىمەن سويلەسكەننەن كەيىن جىگىت جۇڭگو شەكاراسىنان اسىپ كەتكەنىن تۇسىنەدى. كينوكارتينانى قارجىلاندىردى. ءفيلمنىڭ رەجيسسەرى – «ورالمان»، «سەكەر» فيلمدەرىنە رەجيسسەرلىك ەتكەن ءسابيت قۇرمانبەكوۆ.
بۇل فيلم سىرتتاعى قانداستارىمىز جايلى. وتكەن عاسىردىڭ 80ء-شى جىلدارىنداعى كەزەڭ بەينەلەنەدى. جاس جىگىت مالشىلارعا جەم-شوپ تاسىپ ءجۇرىپ، جۇڭگو شەكاراسىنا ءوتىپ كەتەدى. اداسىپ، قيىن جاعدايعا تۇسەدى. ونى شال تاۋىپ الىپ، باسىن بايگەگە تىگىپ، قۇتقارادى. سەبەبى ول كەزدە شەكارانى باسىپ ءوتۋ قىلمىس بولىپ ەسەپتەلەتىن ەدى. ءبىر سوزبەن ايتقاندا، كىشكەنتاي وقيعا ادامگەرشىلىكتىڭ، جاقسىلىقتىڭ، ەرلىكتىڭ شەكاراسى بولمايتىنىن باياندايدى. فيلم جەتىسۋ وبىلىسىندا كوكسۋ، تەكەلى، قاپال ماڭايىندا تۇسىرىلگەن. بۇل وقيعا شىنايى وقيعاعا نەگىزدەلگەن. سول كەزدەردە گازەت باسپالارىندا وسى جىگىتتىڭ وقيعاسى جارىسا جازىلعان. ءفيلمدى قىتايدا تۇسىرە المادىق، پاندەمياعا بايلانىستى بارا المادىق. وسىلايشا، ۇيلەرى، تابيعاتى ۇقساس قاپال اۋىلىندا تۇسىردىك. مەنىڭ بۇل كەزەڭدى العان سەبەبىم – سول كەزدىڭ ادامدارىنىڭ تۇرمىس-تىرشىلىگىن، ادامگەرشىلىك قاسيەتتەرىن كورسەتكىم كەلدى، – دەيدى ءسابيت قۇرمانبەكوۆ.
كينوورتالىقتىڭ باسقارما ءتوراعاسىنىڭ ورىنباسارى باۋىرجان شوكەنوۆ قازاق تاريحىنداعى ادامي قۇندىلىقتارعا نەگىزدەلگەن وقيعالاردى باياندايتىن ءفيلمنىڭ قازاق كورەرمەندەرىنە جەتۋى ماڭىزدى ەكەنىن اتاپ ءوتتى.
شىن مانىندە، تۇسىرىلگەن ءار ءفيلمنىڭ پروكاتقا شىعۋى – ۇلكەن جەڭىس. مەنىڭشە، ءبىزدىڭ كينەماتوگرافتا «جاڭا ارتحاۋس كينوسى» پايدا بولىپ جاتىر. بۇگىنگى ءىس-شارامىز ۇلكەن باستامالاردىڭ الدى بولسىن، – دەدى باۋىرجان شوكەنوۆ.
ءفيلمنىڭ الەمدىك پرەمەراسى 2022 جىلى XVI حالىقارالىق «ەۋرازيا» كينوفەستيۆالىندە ءوتتى.
مەن كوپتەن بەرى ءسابيت قۇرمانبەكوۆپەن جۇمىس ىستەۋدى قالاپ جۇرگەن ەدىم. تىلەگىم ورىندالدى. كاستينگكە كەلگەندە، ءوزىمدى جاقسى كورسەتە الدىم. سەبەبى تەاترداعى و.بوكەيدىڭ «قار قىزى» قويىلىمىنداعى نۇرجان دەگەن باستى كەيىپكەردى سومدايتىن ەدىم. ەكەۋىنىڭ وبرازى ءبىر بولدى. دەگەنمەن كينوعا تۇسەردە قاتتى تولقىدىم. ءسابيت اعايدىڭ شەبەرلىگىنىڭ ارقاسىندا ءبىر اپتا بويىمدى ءتۇسىرىلىم الاڭىنا ۇيرەتتىم. فيلم 2-3 ايدىڭ ىشىندە ءتۇسىرىلدى. قاردى بوراندا تۇسىرىلگەندىكتەن، سول ءساتتى كورەرمەنگە جەتكىزۋگە تىرىستىم. فيلمگە سەگىز ادام قاتىستى، – دەيدى باستى كەيىپكەر ماعجان تۇرىس.
