قۇرمەتتى الماتىلىقتار جانە قالا قوناقتارى!
سىزدەردى الماتى قالاسى اكىمدىگىنىڭ قولداۋىمەن 2-3 قىركۇيەك كۇندەرى بورالداي ساق قورعاندارىندا وتەتىن «ۇلى دالا – كوشپەندىلەر الەمى» حالىقارالىق ەتنو-مادەني فەستيۆالىنە شاقىرادى، دەپ حابارلايدى Almaty-akshamy.kz.
قالا كۇنىنە ورايلاستىرىلعان فەستيۆال «الماتى – شانحاي ىنتىماقتاستىق ۇيىمىنىڭ مادەني جانە تۋريستىك استاناسى» جوباسى اياسىندا وتەدى.
باعدارلامادا 10-نان استام كوشپەلى حالىقتاردىڭ ءسالت-داستۇرى، ادەت-عۇرىپتارى، ۇلتتىق ويىندارى، مادەني مۇرالارى ۇسىنىلادى.
سونداي اق، شەت ەلدىك جانە قازاقستاندىق شاباندوزداردىڭ ءتۇرلى ونەرلەرى، ۇزدىك ەتنومۋزىكانتتاردىڭ اندەرى، قولونەرشىلەردىڭ شەبەرلىك ساباقتارى كورسەتىلەدى.
كىرۋ تەگىن!
كەلىڭىزدەر، كوشپەندىلەر الەمىنە ەنىڭىزدەر!
باستالۋى: ساعات 10.00 دە.
ساعات 9 بەن 18.00 ارالىعىندا ساق قورعاندارىنا قالا ىشىنەن ارنايى اۆتوبۋستار جۇرەدى. ورتالىق ستاديون، «1-الماتى ۆوكزالى»، «ن. ساس اتىنداعى بالالار مەن جاسوسپىرىمدەر تەاترى» جانە «الاتاۋ» ءداستۇرلى ونەر تەاترى ماڭىنان اۆتوبۋستار قاتىنايدى.