الماتىدا بەلگىلى اقىن، جازۋشى اقبەرەن ەلگەزەكتىڭ بالالىق تاعدىرىنا نەگىزدەلگەن «بولماعان بالالىق شاق» ءفيلمى كورەرمەنگە جول تارتتى. ءفيلمنىڭ پرەمەراسى ەرەكشە جاعداي̆دا ءوتتى – ءبىر عانا زالعا سىي̆ماعان كورەرمەندەر ءۇشىن قوسىمشا ەكى زال اشىلدى. بۇل – حالىقتىڭ شىناي̆ى ومىرگە، بوياماسىز تاعدىرعا دەگەن قىزىعۋشىلىعىنىڭ دالەلى، دەپ حابارلايدى aqshamnews.kz
«بولماعان بالالىق شاق» كىتابى مەن سپەكتاكلىن وقىپ، كورگەن جاندار ءۇشىن فيلم مۇلدە بولەك اسەر قالدىردى. سەبەبى، كىتاپتا اي̆تىلماعان، ساحناعا سىي̆ماعان شىناي̆ى ءومىر ۇزىندىلەرى كينودا شەبەر كورىنىس تاپقان. رەجيسسەر فارحات مولداعاليدىڭ شىعارماشىلىق شەشىمدەرى، ەرلان ءبىلال، بەرىك اي̆تجان باستاعان اكتەرلەردىڭ شىناي̆ى وي̆ىنى كورەرمەننىڭ كوڭىلىن تولقىتتى. ال بالا اقوش ءرولىن سومداعان شاكارىم الماسبەك پەن بوزبالا اقبەرەندى بەي̆نەلەگەن نۇرتىلەك جارىلقاسىن ءوز كەي̆ىپكەرلەرىنىڭ بەي̆نەسىن ءساتتى جەتكىزدى. ەڭ تاڭقالارلىعى، ولاردىڭ ومىردەگى اقبەرەن ەلگەزەككە ۇقساستىعى ەرەكشە اسەر قالدىردى.
بالالىقتىڭ بولماعانى – تاعدىردىڭ سىنى
فيلم – اكەسىنەن ەرتە اي̆ىرىلىپ، ءتىرى اناسىنان الىستاپ، تاعدىردىڭ سىناعىنا تۇسكەن كەي̆ىپكەردىڭ مۇڭ مەن ساعىنىشقا تولى ءومىرىن بايانداي̆دى. ونى كورگەن ءاربىر كورەرمەن وتباسىنىڭ، اكە-شەشە مەي̆ءىرىمىنىڭ قانشالىقتى قۇندى ەكەنىن سەزىنەدى. فيلم كورەرمەندى شىناي̆ى ەموسياعا بولەپ، جۇرەگىندەگى قاتتىلىقتى جىبىتەدى.
«بولماعان بالالىق شاق» – بالالار مەن جاسوسپىرىمدەر ءۇشىن دە ۇلكەن ءمانى بار تۋىندى. ءبىر اكە مەن انانىڭ ايالى الاقانىنان الىستاعان بالانىڭ رۋحاني ءوسۋى، تابيعاتپەن تىلدەسۋى، جالعىزدىقتان جاراتقانعا جاقىنداۋى – ءفيلمنىڭ باستى لەي̆تموتيۆىنە اي̆نالعان.
كورەرمەندەردىڭ ءبىرى بۇل فيلمنەن كەي̆ىنگى اسەرىن بىلاي̆ سيپاتتاي̆دى:
«فيلم باستالعاننان سوڭىنا دەي̆ءىن تاپجىلماي̆ وتىرىپ كوردىك. ءۇي̆گە قاي̆تار جولدا بالام وي̆لارىن جاسىرا الماي̆، ءار سيۋجەتتى اڭگىمەلەپ، تۇسىنبەگەن جەرىن سۇراۋمەن بولدى. بۇل – ەڭ الدىمەن ەسىن بىلەتىن، قالىپتاسا باستاعان بالالار ءۇشىن تاپتىرماس فيلم دەر ەدىم. مۇندا الەمدە ولشەۋلى باعاسى جوق ەڭ قىمبات قۇندىلىق – وتباسى دەگەن قاسيەتتى ۇعىمنىڭ ءقادىرىن تۇسىنۋگە زور مۇمكىندىك بار».
فيلمدە اقبەرەننىڭ ومىرىندە بولعان قيىندىقتاردىڭ ونى قالاي̆ شيراتىپ، ەرتە ەسەي̆تكەنىن، «قۋ بالاعا» قالاي̆ اي̆نالعانىن كورسەتە وتىرىپ، تراگەديانىڭ وزىندە ومىرلىك ساباق بار ەكەنىن مەڭزەي̆ءدى. ەرەكشە ەستە قالاتىن ساتتەردىڭ ءبىرى – كەي̆ىپكەردىڭ قىرعىز اپانى الداپ كەتەتىن ەپيزودى. بۇل كورىنىس كورەرمەنگە كۇلكى سىي̆لاپ، باستى كەي̆ىپكەردىڭ ومىرگە بەي̆ىمدەلۋ قابىلەتىن اشا تۇسەدى.
رەجيسسەرلىك شەشىم جانە اكتەرلىك شەبەرلىك
فيلمدە شىناي̆ىلىق پەن ەموسيالىق اسەر ەرەكشە ورىن الادى. وعان رەجيسسەر فارحات مولداعاليدىڭ ەڭبەگى زور. ول كورەرمەننىڭ جۇرەگىنە جەتەتىن نازىك شتريحتاردى ءدال تاۋىپ، ءار دەتالدى تەرەڭ سەزىممەن جەتكىزە بىلگەن.
اقبەرەن ەلگەزەكتىڭ ءومىرىن شەبەر بەي̆نەلەگەن اكتەرلەر دە ءوز رولدەرىن ءساتتى سومدادى. بالا اقوشتىڭ بەي̆نەسى ارقىلى كورەرمەن ءوز بالالىعىن، ءوز مۇڭىن ەسكە الدى. بۇل تۋرالى پىكىر بىلدىرگەن كورەرمەندەردىڭ ءبىرى بىلاي̆ دەي̆ءدى:
«كوزىمىزگە جاس الماۋ مۇمكىن بولمادى. اركىمنىڭ جۇرەگىندە ءبىر بولماي̆ قالعان بالالىق شاق بارى راس قوي̆. وسى فيلم ارقىلى سول كەزدەر قاي̆تادان ەسكە تۇسكەندەي̆...»
ءفيلمنىڭ ءمانى مەن ماعىناسى
فيلم – تەك ءبىر ادامنىڭ ءومىربايانى ەمەس، بۇكىل قوعامنىڭ ورتاق تاعدىرى. سەبەبى، ءاربىر كورەرمەن فيلمدە ءوز ومىرىنە ۇقساس ساتتەردى تابا الادى. اكەسىزدىك، انانىڭ الىستىعى، وتباسىنىڭ ىستىق مەي̆ىرىمىنە دەگەن ساعىنىش – بۇل تەك اقبەرەننىڭ عانا ەمەس، مىڭداعان بالانىڭ تاعدىرى.
بۇل تۋىندىنى كورگەندە «سەنىڭ عاجاپ تابيعاتىڭدى كىمگە اي̆تام، كىم قۇمارتسا، ءوزى كورسىن كوزىمەن»، - دەپ كەلەتىن مۇقاعالي ماقاتايەۆتىڭ ءاي̆گىلى ولەڭى ەسكە تۇسەدى.
سول سياقتى، بۇل فيلم تۋرالى دا كوپ اي̆تۋعا بولادى. ءبىراق ونى كورۋ كەرەك، ونى سەزىنۋ كەرەك.
«بولماعان بالالىق شاق» – جۇرەككە مەي̆ءىرىم ۇيالاتاتىن، وتباسىلىق قۇندىلىقتاردى تەرەڭىرەك تۇسىنۋگە جەتەلەي̆ءتىن اسەرلى فيلم.
ايتا كەتەيىك، ءفيلمدى استانا جۇرتشىلىعى دا تاماشالادى. استانالىق كورەرمەندەر دە ءفيلمنىڭ ايتارى بار، وي سالاتىن كوركەم تۋىندى ەكەنىن ايتىپ جارىسۋدا.
اقبەرەن ەلگەزەككە، شىعارماشىلىق توپقا العىسىمىز شەكسىز!
ءفيلمدى كورىڭىزدەر، جۇرەكپەن ۇعىڭىزدار!