مەملەكەت باسشىسى «Qazaqstan» تەلەارناسىنا اسا ءماندى سۇحبات بەرىپ، كەلەشەككە دەگەن جانە جاستارعا باعدار بەرەتىن، ەلىمىزدىڭ ىرگەسىن بەرىكتەندىرەتىن تۇجىرىمدارىمەن ءبولىستى.
مەن ءوز باسىم ۇلكەن قىزىعۋشىلىقپەن جانە زەيىنمەن قارادىم. جاستاردىڭ بويىندا جانە جالپى قوعامدا جالقاۋلىقتى جويۋ، ادال ەڭبەكتەنۋ، بىلىكتىلىكتى شىڭداپ، جەتىستىكتەرگە جەتۋ ماسەلەسىنە، مەيىرىمدىلىكتى دارىپتەۋگە دەن قويىلدى. قوعامداعى جۇيەلى پروبلەمالاردى شەشۋگە، اسىرەسە، حالىقتىڭ تابىسىن ارتتىرۋ باستى ماقساتتاردىڭ ءبىرى رەتىندە انىقتالدى.
وسىمەن بىرگە ەكونوميكالىق پروسەستەردى جەتىلدىرۋ، الەۋمەتتىك سالانى نىعايتۋدىڭ ماڭىزدى تۇستارى ورتاعا سالىندى.
اسەم الماتىمىزدىڭ قالپىنا كەلتىرىلىپ، گۇلدەندىرۋ باسىمدىقتارى ءبىزدى ەرەكشە قۋانتقاندىعىن اتاپ وتكىم كەلەدى.
شىنتۋايتىندا، بىزدە ءبىر وتانىمىز بار، ول - تاۋەلسىز قازاقستان. بۇل بارىنەن قىمبات جانە جوعارى قۇندىلىق، اقيقات ءتۇبى وسىندا. ەگەمەندىگىمىزدى ناقتى ەڭبەكپەن كورسەتۋىمىز كەرەك. قازاقستان تاعدىرى مەن جارقىن بولاشاعى قازاق ەلىنىڭ قولىندا. وسىنداي تاريحي ساتتە ءبىز ورتاق ماقساتقا بىرىگۋىمىز اۋاداي قاجەت.
مەن ءماسليحات دەپۋتاتى جانە Nur Otan فراكسياسىنىڭ مۇشەسى رەتىندە، دەنساۋلىق ساقتاۋ سالاسىنىڭ وكىلى رەتىندە پرەزيدەنتىمىز اتاپ وتكەن باسىمدىقتاردى ىسكە اسىرۋعا بارىنشا ۇلەس قوسامىن. سىزدەردى دە قازاقستاننىڭ وركەندەۋىنە اتسالىسۋعا شاقىرامىن.
دانا حالقىمىز تالاي قيلى زار زامان مەن تار جول، تايعاق كەشۋدەن امان ءوتتى، بۇل ورىن العان قيىندىقتاردى دا بىرگە ەڭسەرەتىنىمىزگە كۇمان جوق. تاۋەلسىز وتانىمىزدىڭ بەرەكەسى ارتا بەرسىن!