"QAZAQSTAN" ۇلتتىق تەلەارناسىنان مەملەكەت باسشىسى قاسىم-جومارت توقايەۆتىڭ سۇحباتىن تاماشالادىق. كەزدەسۋدە قوعامدى الاڭداتقان قاسىرەتتى قاڭتار وقيعاسىنىڭ سەبەپتەرى مەن سالدارى، الداعى ساياسي جانە الەۋمەتتىك رەفورمالار، قازاقستاننىڭ سىرتقى ساياساتتاعى نەگىزگى سەرىكتەستەرىمەن قارىم-قاتىناستارى تۋرالى، ءتىل ماسەلەسى جونىندەگى كوپتەگەن سۇراقتارعا جاۋاپ بەرىلدى.
تۇسىنگەن ادامعا پرەزيدەنت ساياسي استارى بار ماڭىزدى سۇراقتارعا قاتىستى دا ناقتى ۇستانىمىن جەتكىزدى. ەلدى كۇردەلى وزگەرىستەر كۇتىپ تۇرعانى حاق. ارينە، ونى جۇزەگە اسىرۋ ءۇشىن مەملەكەتتىك اپپاراتتىڭ جۇمىسى ۇيلەسىمدى بولۋى شارت.
جالپى، پرەزيدەنتتىڭ قوعامدا ءجيى تالقىلانىپ، كوپشىلىكتىڭ كوكەيىندە جۇرگەن ماڭىزدى ساۋالدارعا بەرگەن ناقتى ءارى تۇشىمدى جاۋاپتارى كوپشىلىكتىڭ كوڭىلىنە سەنىم ۇيالاتتى دەگەن سەنىمدەمىن. زەردەلەپ قاراساق، تاريحتا تالاي قيىندىقتار ارتتا قالدى. سونىڭ ىشىندە بۇگىندە ەلىمىز قاڭتار وقيعاسى سالدارىنان ورىن العان قيىندىقتاردى ساتتىلىكپەن جەڭىپ، جاڭارۋ كەزەڭىنە قادام باسىپ كەلەدى.
حالىقتىڭ تۇرمىسى دا، الداعى ۋاقىتتا ەلدىڭ ساياسي باعىتى دا وزگەرەر. مەملەكەت باسشىسى وسىعان بايلانىستى ناۋرىز ايىندا حالىققا ۇندەۋ جاريالايتىنىن ايتتى. حالىقتىڭ ءۇمىتى زور. بۇل جاعدايدان دا ەلىمىز بىرلىكپەن امان-ەسەن وتەدى دەپ سەنەمىن. قازاقتا «ساۋساق بىرىكپەي، ينە ىلىكپەيدى» دەيتىن ءتامسىل بار. بارشامىز ءبىر شاڭىراق يەسىندەي جۇدىرىقشا جۇمىلار بولساق، ەلىمىزدى دامۋدىڭ جاڭا دەڭگەيىنە كوتەرەتىنىمىز ءسوزسىز.