بۇگىن Nur Otan پارتياسىنىڭ كەزەكتەن تىس ونلاين وتكەن ءححىى سەزىندە پارتيانىڭ اتاۋى Amanat بولىپ وزگەرتىلدى. شىنى كەرەك، بۇل حالىقتىڭ كوپتەن كۇتكەن جاڭالىعىنىڭ ءبىرى بولاتىن. ويتكەنى قاڭتار وقيعاسى ءبىزدىڭ بيلىك پەن قوعامنىڭ اراسىنداعى شەشىلمەي كەلە جاتقان ماسەلەلەردى كورسەتىپ بەردى.
بۇگىن پارتيانىڭ اتاۋى وزگەرتىلسە، ءبىز ەندى ونىڭ جۇمىس مازمۇنى دا وزگەرەتىنىنە سەنەمىز. «پارتيا سايلاۋشىلاردىڭ اماناتىن ورىنداۋ ارقىلى ەلگە قىزمەت ەتەدى» دەگەن ۋادە بەرىلدى. بۇرىنعىداي ەمەس، ءقازىر حالىقتىڭ كوزى اشىق، ساۋاتتى. ەلدەگى ءاربىر جاڭالىقتى الەۋمەتتىك جەلىلەر ارقىلى ءبارىمىز باقىلاپ، وقىپ، ءبىلىپ وتىرمىز. سوندىقتان پارتيا ەندى بىلەك سىبانا حالىقتىڭ يگىلىگى ءۇشىن جۇمىس ىستەۋى كەرەك. بۇگىن Amanat پارتياسى «مەملەكەتتىڭ مۇددەسىن، حالىقتىڭ مۇراسىن ساقتايمىز، حالىق يگىلىگى ءۇشىن جۇمىس ىستەيمىز، سايلاۋشىلار اماناتىن ورىندايمىز، قوعامداعى الەۋمەتتىك ادىلدىكتى جاقتايمىز، وتباسى قۇندىلىعىن ساقتايمىز» دەپ كوپتەگەن ۋادە بەردى. بىزگە وسى ۋاقىتقا دەيىن تالاي ۋادە بەرىلىپ كەلدى. ەندى ءبىز پارتيادان تەك ورىندالعان جۇمىستار، قوعامدا ساپالى وزگەرىستەر كۇتەمىز.
ءقازىر ەلىم دەگەن ءاربىر ازامات قازاقستان قوعامىنىڭ وزگەرگەنىن قالايدى. ولاي بولسا، ول تەك پارتيالارعا عانا مىندەت ەمەس، ول وزگەرىسكە ەلدىڭ ءاربىر ازاماتى ءوز سالاسىندا ۇلەس قوسۋى كەرەك. ءبىز بىرىكسەك قانا ۇلكەن كۇشكە اينالامىز.
دايىنداعان ءا.داعجان.