شۇعىل جۇيەلىك شارالاردى قابىلداۋدى ۇسىنىپ وتىر.
ەنەرگەتيكا ءمينيسترى بولات اقشولاقوۆ ۇكىمەت وتىرىسىندا ەلەكتر قۋاتىنىڭ شەكتى ءتاريفىن ينفلياسيا دەڭگەيىندە يندەكستەۋدى ۇسىندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قازىرگى تاڭدا ەلدەگى ەلەكتر جەلىلەرىنىڭ ورتاشا توزۋى شامامەن 66% قۇرايدى. بۇل رەتتە شىعىس قازاقستان وبلىسىندا 81% اسىپ كەتتى. وسىعان بايلانىستى 2022 جىلى 2021 جىلمەن سالىستىرعاندا تەحنولوگيالىق بۇزۋشىلىقتار سانى 183 جاعدايعا جانە وندىرىستىك جاراقات الۋ سانى 7 جاعدايعا ۇلعايدى»، - دەدى ەنەرگەتيكا ءمينيسترى.
وسىعان بايلانىستى مينيسترلىك جەرگىلىكتى اتقارۋشى ورگاندارعا شۇعىل جۇيەلىك شارالاردى قابىلداۋدى ۇسىنىپ وتىر.
«بۇرىن بولىنگەن جەر ۋچاسكەلەرىن ينجەنەرلىك ينفراقۇرىلىممەن قامتاماسىز ەتۋ كەرەك. يەسىز ەلەكتر جەلىلەرىن انىقتاۋ جانە ولاردى كوممۋنالدىق مەنشىككە قابىلداۋ، قۇقىق بەلگىلەيتىن قۇجاتتاردى رەسىمدەۋ جانە وسى وبەكتىلەردى ەنەرگيا بەرۋشى ۇيىمداردىڭ تەڭگەرىمىنە ودان ءارى بەرۋ جۇمىسىن جانداندىرۋ قاجەت»، - دەدى مينيستر.