مەملەكەت باسشىسىنىڭ جولداۋدا كوتەرگەن باستامالارى وتە ماڭىزدى. مۇنى ەلىمىزدىڭ الداعى پەرسپەكتيۆالىق دامۋىنا ارنالعان دەپ ايتا الامىز. وزدەرىڭىزگە ءمالىم بولعانداي، كەزەكتى جولداۋ ساياسي جانە ەكونوميكالىق ماسەلەلەردى قامتىدى. سونىمەن بىرگە ول الەمدەگى سىن-قاتەرلەردىڭ الدىن الىپ، وزەكتى دۇنيەلەردىڭ شەشىلۋىنە اتسالىسارى ءسوزسىز. ادىلەتتى قوعام قۇرۋ جولىندا بيلىك پەن حالىقتى جاقىنداستىرۋ، اراقاتىناسىن نىعايتۋ باستى نازاردا ۇستالادى.
قازاقستان جاڭا باعىتتارعا قادام باسۋدا. جولداۋدا ءبىرقاتار ساياسي وزگەرىستەر بولاتىنى ايتىلدى. ءدال ءقازىر ەلىمىزدىڭ وسىپ-وركەندەۋى نەگىزگى ۇستانىم بولىپ تۇر. وسى جولدا يگى وزگەرىستەر مەن باستامالاردىڭ جۇزەگە اسقاندىعىن قالايمىز.
پرەزيدەنتىمىز الداعى رەفورمالاردىڭ باعىت-باعدارىن ايقىنداپ بەردى. بۇل مەملەكەتىمىزدى جانە قوعامنىڭ بارلىق سالاسىن جاڭعىرتۋدىڭ ناقتى قادامدارى بولماق. مەملەكەت باسشىسى تۇجىرىمداعانداي، ساياسي رەفورمالار «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» فورمۋلاسىمەن جۇزەگە اسىرىلىپ جاتىر. بۇل تۇجىرىم – قوعامىمىزدىڭ مىزعىماس تۇعىرى. بۇل رەتتە ارينە، ەلىمىزدە قولعا الىنعان «حالىق ۇنىنە قۇلاق اساتىن مەملەكەت» قاعيداسىن ۇستانۋ اسا ماڭىزدى. پرەزيدەنت ايتقانداي، ادىلەتتى قازاقستان يدەياسىنىڭ تۇپكى ءمانى دە وسى قاعيداتپەن ۇندەسەدى. ءبىز قوعامعا ىرىتكى سالۋدى ەمەس، ەلدى ىزگى ماقساتقا جۇمىلدىرۋدى ويلاۋىمىز كەرەك.