تج-دان قورعاۋدى كۇشەيتۋ جانە قۇتقارۋ قىزمەتتەرىن جاڭعىرتۋ جونىندەگى اۋقىمدى شارالار
پرەمەر-مينيستر ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا توتەنشە جاعدايلار ءمينيسترى شىڭعىس ءارىنوۆ تج-عا دايىندىقتى كۇشەيتۋ بويىنشا قابىلدانىپ جاتقان شارالار تۋرالى باياندادى.
نەگىزگى شارالار قاتارىندا:
➤ قۇتقارۋشىلاردى كيىم-كەشەكپەن جانە ارنايى جاراقتارمەن قامتاماسىز ەتۋدى قايتا قاراۋ.
➤ جاڭا تەحنيكا ساتىپ الۋ – اۆتوموبيلدەر، ءجۇزۋ قۇرالدارى، ۇشاقتار مەن تىكۇشاقتار ساتىپ الىنادى، كۇردەلى جاعدايلارعا دايىن بولۋ ءۇشىن ۇشقىشتاردى وقىتۋ جوسپارلانۋدا.
➤ كۇشتەردى جەدەل ۇيلەستىرۋ ءۇشىن زاماناۋي جابدىقتارمەن جابدىقتالعان كوماندالىق ورتالىقتى جاڭعىرتۋ.
➤ ءبىرىڭعاي ءورت ءسوندىرۋ دەپوسىن قۇرۋ – ءورت سوندىرۋشىلەر، دارىگەرلەر مەن قۇتقارۋشىلار تيىمدىلىكتى ارتتىرۋ ءۇشىن ءبىر شاڭىراق استىندا جۇمىس ىستەيتىن بولادى.
➤ تج الدىن الۋ كوميتەتىن قۇرۋ – ەندى حالىقتى قورعاۋ جونىندەگى شارالاردى ورىنداماعانى ءۇشىن اكىمشىلىك شارالار كوزدەلگەن.
➤ وڭىرلەردەگى الدىن الۋ شارالارى – بوگەتتەردى نىعايتۋ، وزەندەردىڭ تابانىن تەرەڭدەتۋ جانە ءقاۋىپتى ۋچاسكەلەردە جاعالاۋدى نىعايتۋ.
مينيستر بۇل قادامداردى ىسكە اسىرۋ تاۋەكەلدەردى بارىنشا ازايتىپ، بولاشاقتا تج-عا دايىندىقتى ارتتىراتىنىن اتاپ ءوتتى.