سۋ تاسقىنىنان كەيىنگى ساباقتار: ءبىلىم بەرۋ جۇيەسىندەگى قالپىنا كەلتىرۋ جۇمىستارى
ۇكىمەت وتىرىسىندا وقۋ-اعارتۋ ۆيسە-مينيسترى ەدىل وسپان سۋ تاسقىنىنان كەيىن ءبىلىم بەرۋ مەكەمەلەرىندەگى قالپىنا كەلتىرۋ جۇمىستارىنىڭ بارىسى تۋرالى باياندادى.
اقمولا جانە سولتۇستىك قازاقستان وبلىستارىندا جوندەۋ جۇمىستارى تولىعىمەن اياقتالدى. اقتوبە وبلىسىندا 4 772 وقۋشى وقيتىن 7 مەكتەپ پەن 6 بالاباقشا زارداپ شەكتى. 4 نىساندا قالپىنا كەلتىرۋ جۇمىستارى اياقتالدى.
ءتورت عيماراتتا كۇردەلى جوندەۋ جۇمىسىنىڭ 90%-دان استامى ورىندالدى. 5 جاڭا نىساننىڭ قۇرىلىسى باستالدى. بۇعان ۇكىمەت رەزەرۆىنەن 6،2 ملرد تەڭگە ءبولىندى.
بالالاردى جاقىن ماڭداعى مەكتەپتەرگە جەتكىزۋ جۇمىسى ۇيىمداستىرىلعان. اتىراۋ وبلىسىندا 4 مىڭنان استام بالا وقيتىن 5 بالاباقشا مەن 5 مەكتەپ سۋ استىندا قالدى. №8 مەكتەپتە جوندەۋ جۇمىستارى اياقتالدى، اعىمداعى جوندەۋ جۇمىستارى 6 نىساندا 70%-دان 80%-عا دەيىن دايىندىقپەن جۇرگىزىلىپ جاتىر.
سونداي-اق جوندەۋ جۇمىستارىن اياقتاۋ جانە 280 ورىندىق بالاباقشا مەن جاتاقحاناسى بار «ءبىلىم-يننوۆاسيا» ليسەيىن سالۋ ءۇشىن ۇكىمەت رەزەرۆىنەن 7،7 ملرد تەڭگە ءبولۋ جوسپارلانۋدا. قۇرىلىستى اياقتاۋ 2025 جىلعا جوسپارلانعان.
وقۋشىلاردى وقىتۋ باسقا مەكتەپتەردە ۇيىمداستىرىلعان. باتىس قازاقستان وبلىسىندا قالپىنا كەلتىرۋ جۇمىستارى 3 نىساندا اياقتالدى، ال قوستاناي وبلىسىندا ۇكىمەت رەزەرۆتەرى ەسەبىنەن 897 ملن تەڭگە كولەمىندە 60 ورىندىق جاڭا مەكتەپ قۇرىلىسى باستالدى.