«جاڭا ماماندىقتار اتلاسى» پيلوتتىق جوباسى ويداعىداي ىسكە اسىپ جاتىر
بۇل تۋرالى پرەمەر-مينيستردىڭ ورىنباسارى ەرالى توعجانوۆ «حابار 24» ارناسىنا بەرگەن سۇحباتىندا ايتتى، دەپ حابارلايدى Almaty-akshamy.kz
ونىڭ ايتۋىنشا، پاۆلودار وبلىسىندا «جاڭا ماماندىقتار اتلاسى» بويىنشا پيلوتتىق جوبا اپروباسيادان ءساتتى ءوتىپ جاتىر.
«مەن وتكەندە پاۆلودارعا ارنايى بارىپ كەلدىم. ءبارىن ءقازىر قاراستىرىپ، بۇكىل قازاقستان بويىنشا تاراتاتىن بولامىز. ول جەردەگى نەگىزگى سۇراقتار مەكتەپتەن باستالادى. 7 سىنىپتان باستاپ، بالالاردى دايىنداۋىمىز كەرەك. ول جەردە اتا-انالار دايىندالۋ كەرەك. اتا-انالار عانا ەمەس، سول وڭىردەگى ءىرى كومپانيالار دايىندالۋ كەرەك. بولاشاقتا ولارعا كىمدەر كەلەدى؟ گەرمانيادا، مىسالى، اتا-انالار دا، بالالار دا بولاشاقتا بالاسىنىڭ كىم بولاتىنىن مەكتەپ قابىرعاسىندا جۇرگەننەن باستاپ بىلەدى»، - دەيدى پرەمەر-مينيستردىڭ ورىنباسارى ەرالى توعجانوۆ.