مەن قينالسام دا، ەل قينالماسىن.
جول اپاتىنا ۇشىراپ، جانساقتاۋ بولىمىنە ءتۇسىپ قالعان سايات مەدەۋوۆتىڭ بەتى بەرى قارادى، دەپ حابارلايدى Almaty-akshamy.kz Turkystan.kz سىلتەمە جاساپ.
«ارمىسىزدار! قالدارىڭىز قالاي؟ قۇدايعا ءتاۋبا، بەتىم بەرى قارادى. ەڭ باستىسى، ەشكىمنىڭ باسىندا مۇنداي جاعداي بولماسىن دەپ تىلەيمىن. مەنىڭ باسىمدا بولعانىنا قۇدايعا شۇكىر. وسىنىڭ ءبارى مەنىمەن كەتسىن. شىنى كەرەك، وتكەندە قاتتى اۋىرعاندا دا، وسى جولى دا قۇدايدان ءبىر نارسەنى تىلەدىم. اتا-انامنىڭ دۇنيەدەن وسىنى كورمەي كەتكەندەرىنە شۇكىر دەپ. ەندى سىزدەردىڭ اماندىقتارىڭىزدى تىلەيمىن. ءبىر جاعىنان، قۋانسام، ءبىر جاعىنان، مۇڭايدىم. وزگەنىڭ ەمەس، مەنىڭ باسىمدا بولعانىنا. مەن قينالسام دا، ەل قينالماسىن. حالىقتىڭ اراسىندا جۇرگەن ادامدارمىز، حالىقتىڭ تىلەۋىنىڭ ارقاسىندا امانبىز»، – دەيدى ءانشى.