«شىنىقساڭ – شىمىر بولاسىڭ» دەمەكشى، دەنە جاتتىعۋى ادام بالاسىنا قاشان دا پايدالى. كۇنى بويى ءوزىڭدى سەرگەك سەزىنىپ ءجۇرۋدىڭ دە ءبىر ءتاسىلى – سپورت.
الماتى قالاسى الاتاۋ اۋدانى «№26 جالپى ءبىلىم بەرەتىن مەكتەپ» كوممۋنالدىق مەملەكەتتىك مەكەمەسىندە «سالاۋاتتى ءومىر-نۇرلى بولاشاق!» تاقىرىبىندا اۋداندىق مەكتەپ باسشىلارىنىڭ سەمينارى ءوتتى. سەميناردىڭ ماقساتى: قوعامعا پايدا كەلتىرەتىن، دەنى ساۋ، سالاۋاتتى، جانى تازا، بولاشاققا سەنىممەن قارايتىن ۇرپاق تاربيەلەۋ.
سەمينارعا الاتاۋ اۋداندىق ءبىلىم ءبولىمىنىڭ باسشىسى اقمۇرزايەۆا قارلىعاش، ءبىلىم ءبولىمىنىڭ ادىسكەرى سماعۇلوۆا ءاليا جانە اۋدان مەكتەپتەرىنىڭ باسشىلارى قاتىستى. سەميناردىڭ اشىلۋىندا مەكتەپ باسشىسى سەيتاحمەتوۆا گاليا ءسوز الىپ، وقۋشىلارىمىزدىڭ ءتۇرلى سپورتتىق جەتىستىكتەرىمەن قۇتتىقتاپ، الداعى ۋاقىتتاعى وتەتىن سپورتتىق جارىستاردا مەكتەبىمىزدىڭ وقۋشىلارى بيىك بەلەستەردى باعىندىراتىنا كامىل سەنەتىنىن اتاپ ايتتى.
سەميناردا مەكتەبەمىزدىڭ وقۋشىلارى ءتۇرلى سپورتتان اتاپ ايتساق، كاراتە گودزيۋ-ريۋدان 11 «ب» سىنىپ وقۋشىسى داۋكەن ءادىل ءيمانجۇسىپ قۇتپان ۇلىنىڭ 160-جىلدىعىنا ارنالعان 2006-2008 جانە 2009-2011 جىلعى بالالار مەن قىزدار اراسىنداعى دزيۋدودان اشىق رەسپۋبليكالىق تۋرنيرىندە 66 سالماق دارەجەسىندە ءىى ورىن يەگەرى، 10 «ب» سىنىپ وقۋشىسى نۋربولات ميراس حالىقارالىق دزيۋ-دزيۋسۋدان چەمپيوناتى – ءىى ورىن يەگەرى، كوركەم گيمناستيكادان بىرىككەن اراب امىرلىكتەرىندەگى - دۋباي قالاسىندا وتكەن “كوركەم گيمناستيكا “حالىقارالىق چەمپيوناتىنا قاتىسىپ، 2 «ۆ» سىنىپ وقۋشىسى يينەسنوۆا ايشا بولات قىزى التىن مەدال يەگەرى، گرۋزيا مەملەكەتى تبيليسي قالاسىندا وتكەن ءىىى- حالىقارالىق «New Look Cup 2023» اتتى كوركەم گيمناستيكا تۋرنيرىنە قاتىسىپ، 2 «ۆ» سىنىپ وقۋشىسى حاميت اديا اقىلبەك قىزى، 1 «گ» سىنىپ وقۋشىسى حاميت ايلين اقىلبەك قىزى ءى ورىن يەگەرلەرى ءوز ونەرلەرىن كورسەتتى.
سپورتقا جانى قۇمار، سپورت شەبەرلەرى وزدەرىنىڭ ماڭداي تەرلەرىمەن قول جەتكىزگەن بىرنەشە مەدالدارىن مويىندارىنا تاعىپ، بىرنەشە دۇركىن جەڭىپ العان سپورتتىق بەلبەۋلەرىن بەلدەرىنە تاعىپ،ۇلكەن ماقتانىشپەن قوناقتار الدىندا شەرۋ جاسادى.
سونىمەن قاتار 2002 جىلى مەكتەبىمىزدە ورتا ازيادا «جارتاسقا ورمەلەۋ» سپورتىن دامىتۋ باعدارلاماسى بويىنشا يۋنەسكو بالالار قورىنىڭ قولداۋىمەن قازاقستان رەسپۋبليكاسى الپينيزم جانە «جارتاسقا ورمەلەۋ» فەدەراسياسىنىڭ كومەگىمەن «جارتاسقا ورمەلەۋ» قابىرعاسى اشىلعان بولاتىن. سەمينار بارىسىندا «جارتاسقا ورمەلەۋ» بويىنشا ءتۇرلى جىلدامدىقتى اسىرا وتىرىپ، جارتاسقا ورمەلەۋدىڭ كەدەرگىسىز ءتيىمدى جولدارىن مەكتەبىمىزدىڭ وقۋشىلارى سەمينارىمىزدىڭ قوناقتارىنا كورسەتتى.
سەمينار سوڭىندا الاتاۋ اۋداندىق ءبىلىم ءبولىمىنىڭ باسشىسى اقمۇرزايەۆا قارلىعاش ءسوز الىپ، مەكتەبىمىزدىڭ سپورتشىلارىنا ىستىق ىقىلاسىن ءبىلدىرىپ، بيىك بەلەستەردى باعىندىرا بەرۋىنە تىلەكتەس ەكەنىن ايتىپ ءوتتى.
ابىلدايەۆ ب.، №26 جالپى ءبىلىم بەرەتىن مەكتەپ ديرەكتورىنىڭ وقۋ ءىسى جونىندەگى ورىنباسارى