الماتىداعى "التىن وردا" امبەباپ ساۋدا كەشەنىنىڭ كاسىپكەرلەرى مەن ۇجىمى تاسقىننان زارداپ شەككەن ايماق تۇرعىندارىنا گۋمانيتارلىق كومەك جىبەردى.
كومەك اقتوبە، قوستاناي وبلىستارىنىڭ، تورعاي دالاسىنىڭ، امانگەلدى وڭىرلەرىنىڭ سۋ باسقان ەلدىمەكەندەرىنە جەتكىزىلەدى، دەپ حابارلايدى Almaty-akshamy.kz.
«بازاردا كاسىبىمدى دوڭگەلەتىپ وتىرعانىما جيىرما جىلداي ۋاقىت بولدى. وسى ارالىقتا ءبىزدىڭ ۇجىم اكىمشىلىكپەن بىرىگىپ تالاي يگى ىستەرگە اتسالىستى. تابيعات اپاتىنان جاپا شەككەن ەلىمىزدىڭ ءار تۇكپىرىندەگى باۋىرلارىمىزعا كومەك قولىن ءسوزۋ – پارىزىمىز دەپ بىلەمىن. قاسيەتتى رامازان ايىندا، بۇگىنگى ءقادىر ءتۇنى الدىندا جاريا ساداقا دەپ كومەك قولىن سوزىپ جاتىرمىز»، - دەدى ساۋدا كەشەنىنىڭ كاسىپكەرى سالتانات بەدەل قىزى.
كومەكتىڭ جالپى كولەمى 3 ۇلكەن جۇك كولىگى مەن 30 تونناعا جۋىق 1 گازەل بولدى. لوگيستيكالىق شىعىنداردى نارىق اكىمشىلىگى دە قولدادى.