ءتىزىم حالىقارالىق باعدارلامالار ورتالىعىنىڭ سايتىندا جاريالاندى.
«حالىقارالىق باعدارلامالار ورتالىعى» اق «بولاشاق» ستيپەندياسى يەگەرلەرىنىڭ ءتىزىمىن جاريالادى، دەپ حابارلايدى Almaty-akshamy.kz
«ق ر مەملەكەتتىك كەڭەسشىسى ەرلان ءقاريننىڭ توراعالىعىمەن شەتەلدە كادرلار دايارلاۋ جونىندەگى رەسپۋبليكالىق كوميسسيا شەشىمىمەن الەمدەگى جەتەكشى ۋنيۆەرسيتەتتەر مەن سالالىق ۇيىمداردا تاعىلىمدامادان وتەتىن قازاقستاننىڭ 25 ازاماتى «بولاشاق» ستيپەندياسىنىڭ يەگەرى اتاندى»، - دەلىنگەن حابارلامادا.
بيىل ماگيستراتۋرا جانە رەزيدەنتۋرا باعدارلامالارىنا 395 ستيپەنديا، دوكتورانتۋراعا 50 ستيپەنديا، تاعىلىمدامادان ءوتۋ ءۇشىن 110 ستيپەنديا بولىنگەن.
بيىل «بولاشاق» حالىقارالىق ستيپەندياسىن تاعايىنداۋ كونكۋرسىنا قاتىسۋ ءۇشىن قۇجاتتاردى قابىلداۋ ءتورت لەككە بولىنگەن. قۇجاتتاردى قابىلداۋدىڭ العاشقى مەرزىمى 2023 جىلعى 9 قاڭتار مەن 27 قاڭتار ارالىعىندا. قابىلداۋدىڭ ەكىنشى لەگى 3 ءساۋىر مەن 28 ءساۋىر ارالىعىندا، ءۇشىنشىسى 5 ماۋسىم مەن 7 شىلدە ارالىعىندا، ءتورتىنشىسى 17 شىلدە مەن 15 قىركۇيەك ارالىعىندا وتەدى.