الماتىلى ءانشى گاريفا يگيسينوۆا رەفەرەندۋمدا داۋىس بەردى
كوپشىلىككە تانىمال ءانشى گاريفا يگيسينوۆا قازاقستاندا اتوم ەلەكتر ستانسياسىن سالۋ ماسەلەسى بويىنشا رەفەرەندۋمعا قاتىستى. ءانشى ەلدىڭ بولاشاعى ءبىزدىڭ قولىمىزدا ەكەنىن اتاپ ءوتتى.
«ەلىمىزدىڭ بولاشاعىنا قاتىستى ماسەلەگە قاتىسۋ – ءاربىر ازاماتتىڭ بورىشى. بولاشاق – ءبىزدىڭ قولىمىزدا. مەن ەلىمىز ءۇشىن ماڭىزدى ءىس-شاراعا ءوز ۇلەسىمدى قوسقانىما قۋانىشتىمىن»، – دەدى گاريفا يگيسينوۆا.
ەسكە سالايىق، بۇگىن رەسپۋبليكالىق رەفەرەندۋم ءوتىپ جاتىر. الماتىداعى سايلاۋ ۋچاسكەلەرىندە عالىمدار، جازۋشىلار، اكتەرلەر، مۋزىكانتتار جانە ەلدىڭ باسقا دا تانىمال تۇلعالارى قاتىستى. داۋىس بەرۋگە حالىق ارتىستەرى ءاسانالى ءاشىموۆ، بيبىگۇل تولەگەنوۆا، تانىمال ورىنداۋشىلار مەن قازاقستاندىق ەسترادا جۇلدىزدارى Raim، ايقىن تولەپبەرگەن، Kyle Ruh، KeshYou توبىنىڭ ەكس-انشىسى بالاۋسا ەرعالييەۆا جانە باسقالار قاتىستى.