«الماتى جىلۋ جەلىلەرى» ج ش س قىزمەتكەرلەرى سايلاۋ ۋچاسكەسىنە بارىپ، قازاقستاندا اتوم ەلەكتر ستانسياسىن (اەس) سالۋ ماسەلەسى بويىنشا تاڭداۋ جاسادى.
ۇزاق جىل بويى كاسىپورىندا جۇمىس ىستەپ كەلە جاتقان شەبەر ۇلان تويچيبەكوۆتىڭ ايتۋىنشا، ءوزى جانە ارىپتەستەرى داۋىس بەرۋگە بەلسەندى قاتىستى.
«جىلۋمەن جابدىقتاۋ – بۇل ەنەرگەتيكا سالاسىنىڭ اجىراماس بولىگى، سوندىقتان ءارقايسىمىز داۋىس بەرۋىمىز كەرەك ەكەنىن تۇسىنەمىز. ارىپتەستەرىمىزبەن وسىنداي ماڭىزدى ماسەلەنىڭ رەفەرەندۋم اياسىندا تالقىلانعانىن قولدايمىز»، - دەدى تويچيبەكوۆ.
ەستەرىڭىزگە سالا كەتەيىك، بۇگىن قازاقستان اۋماعىندا اەس سالۋ ماسەلەسى بويىنشا رەسپۋبليكالىق رەفەرەندۋم ءوتىپ جاتىر. الماتى تۇرعىندارى سايلاۋ ۋچاسكەسىنە بارىپ، ساعات 20:00-گە دەيىن داۋىس بەرە الادى.