«بولاشاق» باعدارلاماسىنىڭ باعىتى قايتا قارالادى

بۇل تۋرالى مەملەكەت باسشىسى قازاقستاننىڭ ءىرى بيزنەسمەندەرىمەن كەزدەسۋدە ايتتى.

ق ر پرەزيدەنتى قاسىم-جومارت توقايەۆ «بولاشاق» باعدارلاماسىنىڭ باعىتىن قايتا قاراۋ كەرەك دەپ ەسەپتەيدى، دەپ حابارلايدى Almaty-akshamy.kz

«جالپى، ەلىمىزدەگى ءبىلىم بەرۋ جۇيەسىن قايتا فورماتتاعىم كەلەدى. ءبىز ەكونوميستەردى، زاڭگەرلەردى، مەنەدجەرلەردى جانە ت.ب. ماماندىق يەلەرىن تىم كوپ شىعارىپ جاتىرمىز. ءقازىر ءبىلىم سالاسىن تەحنيكالىق ارناعا ءتۇسىرۋىمىز كەرەك. «بولاشاق» باعدارلاماسىن قايتا باعدارلايمىز. جاستاردى تەحنيكالىق جوعارى وقۋ ورىندارىندا وقۋعا، سونىڭ ىشىندە رەسەيگە، بالكىم، ءتىپتى ەڭ الدىمەن، رەسەيگە جىبەرەتىن بولامىز»، - دەدى مەملەكەت باسشىسى.

قاسىم-جومارت توقايەۆ پارلامەنت ءماجىلىسىنىڭ 11 قاڭتارداعى جالپى وتىرىسىندا ءقازىر قازاقستانعا ينجەنەرلىك بىلىكتىلىگى بار ماماندار اۋاداي قاجەت ەكەنىن ايتقان بولاتىن.

«جالپى، بارىمىزگە ءبىلىم تۋرالى كوزقاراسىمىزدى وزگەرتۋ قاجەت. گۋمانيتارلىق ماماندىقتارمەن اۋەستەنۋ كەزەڭى كەلمەسكە كەتتى. باسىمدىقتى تەحنيكالىق ماماندىقتارعا بەرۋ قاجەت. ينجەنەرلەر مەن ونەركاسىپ وكىلدەرىنىڭ جاڭا بۋىنىن ءوسىرىپ شىعارۋ قاجەت بولىپ تۇر»، - دەدى قاسىم-جومارت توقايەۆ.