بۇل تۋرالى ول پاريجدە قازاقستاندىق تەلەارنالارعا بەرگەن سۇحباتىندا ايتتى.
"ەلدىڭ جانكۇيەرلەرىن تۇسىنەمىن. ءبىزدىڭ جەكپە-جەكتەرگە كوڭىلدەرى تولعان جوق. سول ءۇشىن كەشىرىم سۇرايمىز. ەشكىم ۇتىلامىن دەپ كەلگەن جوق. جىگىتتەردىڭ ءبارى بارىن سالىپ، كۇرەستى. جاقسى دايىندىقپەن كەلدىك. ءبىراق ساتتىلىك جەتپەدى دەپ ويلايمىن، ەشكىمدى كىنالامايمىن.
ءبارىن وزىمىزدەن كورەمىز. بۇيىرماي تۇر، كەم-كەتىك بار شىعار. سول ءۇشىن جەڭىسكە جەتپەگەن شىعارمىز. ءبىراق جىگىتتەردىڭ ءبارى شارشاعان جوق. نەبىر سوزدەر ەستىپ جاتىرمىز. "شارشادى، دايىندىق ناشار" دەپ. بۇكىل الەم، ارىپتەستەرىم ءبىزدىڭ بالالارعا ريزا بولىپ وتىر. ال ءبىزدىڭ ەل ءبىزدى داتتاپ جاتقانىندا قالاي ەل بولامىز دەپ ويلايمىن. ال بىلاي بارىنە راقمەت. مۇمكىن قاتتى ەلدىڭ نامىسىن ويلاپ، سولاي ايتىپ جاتقان شىعار. ءبىراق ءبارى امان بولسىن. قازاقپىز، ءبىر-بىرىمىزدى وسىندايدا قولداماعاندا قاشان قولدايمىز؟"، - دەيدى ايتجانوۆ.